Home General Den promer 5 dianan di luna siguiente tin datonan detaya riba cifranan...

Den promer 5 dianan di luna siguiente tin datonan detaya riba cifranan di turismo

0
0
SHARE
- Advertisement -

Contrario na antes

Minister Oduber ta hopi orguyoso di e eficiencia di ATA SG

ORANJESTAD  (AAN):   Durante conferencia di prensa di Minister Otmar Oduber conhuntamente cu Ronella Tjin Asjoe-Croes CEO di Aruba Tourism Authority y Jo-Anne Arends Head Airline Marketing di Aruba Airport Authority, a presenta e resultadonan di turismo pa loke ta trata december 2012 y aña 2012 en general.

   E mandatario a probecha e ocasion pa ilustra un punto hopi importante pa loke ta trata cifranan, datonan y estadisticanan cu ta wordo suministra na un velocidad hopi rapido, contrario na antes cu tabata pasa lunanan largo sin cu por a haya cifranan relaciona cu turismo.

E punto aki ta importante pa loke ta trata e strategia di mercadeo di nos isla, caminda cu na momento cu e cifranan ta wordo conoci rapidamente, por haci cambionan liher den caso cu mester adapta e strategia.

   “Awendia cu esfuerzonan cu a wordo haci den oficina di turismo, den e prome 5 dianan di e luna siguiente, ya caba por analiza cifranan, general y specifico detaya pa cada mercado. Esaki ta haci  un di e esfuerzonan principal di ATA, segun e flexibilidad logra cu ATA Sui Generis, cu por traha pa logra e mihor resultadonan posibel pa nos pais”, Minister Otmar Oduber a duna di conoce.

   E mandatario a reconoce tambe e bon trabou haci pa ATA Sui Generis cu ta existi pa 2 aña caba. El a indica cu nan ta trahando den un forma proactivo caminda hopi cambionan grandi a tuma lugar. Tambe Minister Oduber a comenta cu presupuesto 2013 di ATA a wordo aproba for di aña pasa y ta cumpli cu e rekisitonan di entrega di cuentanan anual na ora.

   “E resultado di eficiencia y productividad halto cu nos ta mira den ATA, cu tabata e meta y vision pa privatiza ATA, ta uno sumamente positivo caminda hasta oposicion a elogia ATA y hasta a bay asina leu di bisa cu por ta no tin mester di un minister specifico di turismo den futuro. Mi ta tume como un elogio den nomber di e organizacion di Aruba Tourism Authority cu ta mustra e resultadonan sumamente positivo cu e organizacion aki a duna”, Minister Oduber a duna di conoce.

- Advertisement -

DUNA COMENTARIO

Please enter your comment!
Please enter your name here