Home General Departamento di Labor lo investiga fenomeno di cheap labor

Departamento di Labor lo investiga fenomeno di cheap labor

2
0
SHARE
- Advertisement -

Minister Otmar Oduber

 y leynan laboral nobo ta bay yuda combatie

ORANJESTAD (AAN): Minister Otmar Oduber ta dunando atencion hopi special na sector laboral na e momentonan aki.

Den cuadro di dje, Departamento di Labor y Investigacion (DAO) na e momentonan aki ta realizando y/of ta bay realiza durante 2013 diferente investigacion pa haya mas informacion posibel y por ehecuta e maneho segun vision di e mandatario, esta di mehora mas tanto posibel nos forsa laboral den tur sentido.

   Un di e investigacionnan cu ta bay tuma lugar e aña aki ta e fenomeno di cheap labor.

E mandatario a duna di conoce cu hopi biaha ta discuti riba e tema aki y ta papia cu tin cheap labor, pero awor ta bay tin un estudio pa mira e extension di e fenomeno aki, den ki sectornan di forsa laboral e ta bin dilanti y con e por worde influencia.

   Aki Minister Oduber a indica cu e cambio di leynan laboral cu a worde pasa recientemente den Parlamento, particularmente e cambio di ley di ‘ter beschikking stelling’ caminda hendenan no por keda añanan largo como uitzendkracht lo contribui tambe na combati cheap labor.

“Den e cuadro ey, e maneho y e vision cu tin a base di e rapport cu sali di cheap labor, ta cu lo mara e maneho den futuro caminda lo pone liñanan cora pa loke ta por ehempel pone salarionan abou pa posicionnan cu no ta cuadra cu loke e mercado ta paga, simplemente pa haya permiso pa un persona di afor. Den casonan asina e empresa/persona no ta bin na remarke pa haya permiso”.

Cu e rapport den man, ta bay pone categorianan, ta bay pone salarionan segun mercado cu mester worde ofreci pa cierto trabaonan. Minister di Labor pa pone enfasis riba e parti aki a expresa cu no ta Gobierno lo stipula cual ta e salario cu mester worde paga pa categoria, pero mercado mes lo stipule.

- Advertisement -

DUNA COMENTARIO

Please enter your comment!
Please enter your name here