Home Politica Gobierno mester sigui haci esfuerzo pa bin cu reapretura di refeneria

Gobierno mester sigui haci esfuerzo pa bin cu reapretura di refeneria

0
0
SHARE
- Advertisement -

Lider di Fraccion di DPR, ta bay manda carta pa Presidente di Parlamento sigui cu e reunion

Riba topico di Valero, PDR a dicidi di manda dos carta pa Presidente di Parlamento pa pidie pa sigui cu reunion cu a cuminsa aña pasa pa loke ta ceramento di Valero. E reunion ey nan a ser suspendi pa un tempo indefini , pero awor aki nan mester bolbe toka e tema atrobe segun mr. Andin Bikker.

Los di esey  ta bay haci preguntanan por escrito na e minister encarga cu energia, pasobra por a tuma nota di desaroyonan reciente cu empleadonan ta señala cu un di e powerhousean a wordo pone na venta. Esaki ta algo esencial pa e re-apertura di e refineria y tambe por a ripara tin diferente aspecto di desmantelacion ta tumando luga.

Tambe PDR a tuma nota di reclamonan pa loke ta seguridad di brandweer ey den,  y cu brandweer Aruba tambe a manda carta na e management di e refineria pesey PDR kier sa kico ta e status quo. 

A manda gran parti di empleadonan cas y hasta un par di nan mester a bay corte pero semper PDR tabata bou di e impresion cu lo keda haci mas cu un esfuerso pa bin cu un reapertura di e refineria. Gran parti di empleado , contratista y sub-contratista tabata riba e impresion ey tambe.

 Tin varios empleado a acerca PDR y nan ta hopi preocupa pasobra a bay hopi job fair cu a organisa pa gobierno y nan no ta hayando trabao y e trabaonan cu ta ofrece nan ta na un nivel. Pa loke ta salario e ta hopi abou casi salario minimo compara cu loke tabata nan entrada.

Hopi di nan ta evalua si nan ta bay traha den exterior . Tambe tin contratista y sub-contratista companianan cu semper a draai un tipo di omzet pa cu trabaonan di mantencion y turn around den refeneria cu actualmente nan ta desespera pasobra nan no ta wak den e economia actual trabaonan comparabel pa nan por mantene e negoshi riba mesun nivel, sino  lo sera e negoshi. 

Gobierno a haci un esfuerso pa bin cu job fair etc. bin cu hopi tipo di iniciativanan pa realisa  e efecto di nos economia, sinembargo bo por wak cu hopi hende ta sinta na cas cu un pakete cu poco poco e placa ta cabando . Tambe contratista y subcontratista cu ta wak cu nan omzet ta baha y nan no ta wak di unda nan por bai saca  e mesun tipo di turn over pa nan por mantene nan negoshi habri.

 Tur esakinan ta preocupacionnan y cu e reunion cu a ser suspendi pa loke ta trata Valero mester wordo yama pa e continua den su segunda tanda. E pregunta cu PDR lo bai entrega por escrito y pa  e minister ta pa e bin contesta nan ora di pregunta,  pasobra con cu bai bin ta 12% average di nos producto nacional bruto a cai afo y e ta algo los di e cifranan riba papel macro economico e ta toca bo di biaha pasobra ta hendenan ta centenares di persona ta sin trabao y ta companianan grandi cu awor aki nan e ta den preocupacionnan si nan por mantene nan porta habri si of no.

Di parti gobierno tambe mester bin claridad of di parti Valero, pasobra por a compronde cu empleadonan a haci un apelacion na gobierno pa bai informa serca Valero kico ta e plannan di ponemento na benta di e powerhouse.

Ta e powerhouse ta duna un dimension cu ta haci e refineria rendable. Tin intencion di  pone e powerhouse na benta via subasta. Segun Bikker, e ora e pregunta grandi ta nace riba e  posibel reapertura. Segun mr. Andin Bikker tanten cu no tin un otro pilar cu ta bay reemplasa e tipo di trabaonan aki mester sigui haci esfuerso.

Awor ta riba turismo so ta depende y mas ainda si mira Aruba su debe nacional ta creciendo na proporcionnan hamas conoci.

- Advertisement -

DUNA COMENTARIO

Please enter your comment!
Please enter your name here