Home General Grasshopper Organization di Ayo ta reconoce Prome Minister Mike Eman

Grasshopper Organization di Ayo ta reconoce Prome Minister Mike Eman

1
0
SHARE
- Advertisement -

Pa su aporte na veld y torneo na Ayo

ORANJESTAD:(AAN) Grasshopper Baseball Organization tin miembronan di 5 te cu 9 aña cu ta hunga baseball. Nan ta existi pa mas o menos cinco aña pero door di falta di cooperacion den pasado nan veld situa na Ayo a bay den un decadencia.

“Ta danki na cooperacion di Prome Minister Mike Eman y su team,” asina a wordo indica door di Antoine Kelly di e organisacion, kende tabata masha emociona diasabra ultimo, nan a sali di e deterioro aki.

E torneo di baseball organisa pa Grasshoppers Baseball Team, cu a cuminsa diahuebs ultimo, ta dedica na Prome Minister di Aruba, Mike Eman.

E evento deportivo aki ta hiba e nomber “Torneo di baseball infantil Mike Eman 2013”, como muestra di gradicimento na su persona cu a yuda e organisacion di Grasshopper yega na e parke di baseball cu nan tin awe.

Pa inauguracion di e parke aki a invita un team di Boneiro pa participa den e torneo aki.

Diasabra a invita Prome Minister Eman pa un ceremonia special unda a entrega e mandatario un plakaat como muestra di aprecio y gradicimento grandi cu nan tin pa su persona, pa tur loke el a haci cu awe e organisacion tin un bunita veld di baseball.

E inscripcion riba e plakaat ta bisa: “Grasshopper Baseball Organization ta dedica e torneo di baseball infantil na mr. Mike Eman pa su gran aporte brinda na nos organisacion. Hopi danki.” Representante di e organisacion mes, sr. Kelly durante e ceremonia tambe a expresa e alegria cu nan tur ta sinti cu nan por ta organisando e torneo aki riba nan tereno.

“Sin Prome Minister Eman, awe nos muchanan lo no ta aki, riba nos propio tereno y pa e muchanan practica nan deporte preferi.

Recientemente e veld di Centro di Bario Ayo tambe ta un di esnan cu a wordo beneficia cu e protocol “Aruba cu Deporte na Pecho”. E protocol ta brinda e organisacionnan un descuento di 50% riba e consumo di e prome 1000 kilowatt pa luna.

Gabinete Mike Eman ta di opinion cu por medio di deporte ta crea hobennan sano y brindando organisacionnan e instrumentonan necesario,ta crea mas espacio pa hobennan por practica deporte.

- Advertisement -

DUNA COMENTARIO

Please enter your comment!
Please enter your name here