Home Politica MEP y Booshi ta ofende participantenan den Dialogo Social!

MEP y Booshi ta ofende participantenan den Dialogo Social!

0
0
SHARE
- Advertisement -

Parlamentario drs. Paul Croes;

ORANJESTAD(AAN): Durante e continuacion di e reunion publico riba Dialogo Social, drs. Paul Croes a hiba palabra den e debate.

Esaki ta permiti segun nos reglamento di Ordo, y vice-presidente ta dirigi e Reunion.

   Paul Croes contrario na oposicion a mustra cu fraccion di AVP, si ta kere den dialogo y ta defende e rol di Parlamento den nos Constitucion.

AVP no ta categorisa e gremionan, representantenan como personanan incapacita of cu no por representa nan hendenan dignamente, manera oposicion a laga sa. Parlamentarionan di oposicion a bisa ” Participantenan di e Dialogo Social ta laga nan mes worde manipula door di Gobierno”.

   Esaki drs. Paul Croes ta considera como un ofensa pa esnan cu ta participa den e Dialogo Social. Fraccion di AVP contrario na MEP si ta gradici (no Gobierno) pero e participantenan, gremionan, representantenan di trahadornan pa nan participacion activo den e Dialogo Social.

   Nos si ta elogia esnan cu ta sinta na mesa, trece nan punto pa dilanti y yega na otro, na bienestar di esnan cu nan ta representa. Con un partido cu ta kere den principionan social democrata por ta contra di democracia participativo? Esaki Paul a puntra den direccion di oposicion. Con bo por ta contra di decisionnan tuma den un forma integral? Pakico demonisa e participantenan di e dialogo?

Ilogico y inconsecuente! Paul Croes a mustra hopi cla, cu fraccion di AVP ta kere firmemente den Dialogo y ta urgi Gobierno pa continua scuchando gremionan y representantenan pa asina yega na decisionnan importante den nos pais.

- Advertisement -

DUNA COMENTARIO

Please enter your comment!
Please enter your name here