Home General Pa di dos aña consecutivo a surpasa e meta di crecemento den...

Pa di dos aña consecutivo a surpasa e meta di crecemento den turismo

0
0
SHARE
- Advertisement -

 2012 a cera cu un crecemento di 4.1%

ORANJESTAD  (AAN): Minister Otmar Oduber orguyosamente a informa cu pa di dos aña consecutivo Aruba a surpasa e meta di crecemento den turismo estableci.

Aña 2012 a cera cu un crecemento di 4.1% den cantidad di bishitantenan compara cu e meta di 3% cu a wordo stipula.

    Durante 2011 e meta estableci tabata di 3 % y a logra un crecemento di 5.7% y na 2012 a conoce un crecemento riba crecemento, e biaha aki di 4.1%.

Tambe e mandatario a comenta riba e crecemento record cu a conoce durante luna di december. El a bisa cu normalmente e promer dos simannan di ultimo luna di aña ta conoci pa no ta esunnan di mas fuerte, por a mira crecementonan grandi cu a pone cu december a cera cu un crecemento den cantidad di bishitantenan di 10.9%.

    Minister Oduber a indica cu e cifranan aki ta yene cu orguyo, specialmente mirando e twist cu ta tumando lugar ya caba for di september caminda por mira un crecemento continuo for di nos mercado principal, esta Merca. E datonan positivo aki ta resultado di esfuerzonan cu a wordo haci na e mercado aki manera ta nombracion di un director regional, companianan di mercadeo y publicidad nobo y cu a redirigi e mercadeo riba un aspecto mas digital, bayendo asina cu e tendecianan actual.

    Minister di Turismo a felicita ATA den su totalidad, e team completo, tanto na Aruba como den exterior, pa e resultadonan di aña 2012.

    Na mes momento el a papia di e metanan poni como Gobierno di Aruba pa 2013. Minister Oduber a indica cu na cierto momento no por papia mas di crecemento riba crecemento pasobra no tin e capacidad di inventario pa por continua den e direccion aki. Di e forma aki a establece pa logra un crecemento di 2.5%. Sin embargo, e ta contento cu ATA riba nan mes, a reta nan mes cu un meta mas halto cu e meta cu Gobierno a pone pa 2013.

ATA kier logra un crecemento di 6% durante e aña cu a caba di cuminsa. E mandatario ta considera cu e reto aki ta pone cu e dinamismo y productividad cu ta busca dentro di e organizacion di ATA ta wordo demostra.

- Advertisement -

DUNA COMENTARIO

Please enter your comment!
Please enter your name here