Home General SOGA a firma contract cu financiadonan di proyecto dr. Horacio Oduber Hospital

SOGA a firma contract cu financiadonan di proyecto dr. Horacio Oduber Hospital

3
0
SHARE
- Advertisement -

E suma envolvi ta di 240 miyon florin

ORANJESTAD(AAN):Stichting Onroerend Goed Aruba (SOGA) y AIB a firma contract cu financiadonan di e proyecto ‘ampliacion y renobacion di dr.Horacio Oduber Hospital’.

Esaki a sosode den presencia di Prome Minister Mike Eman, Minister di Infrastructura Sevinger, miembronan di SOGA, directiva di hospital, financiadonan local y otronan envolvi. Minister Visser no por tabata presente pa motibo di tabata den exterior.

E prome fase di e proyecto aki ta bay costa e suma di 240 miyon florin y ta wordo financia dor di 12 instituto financiero, 12 local y 5 di exterior. Cu banconan y otro entidadnan financiero ta financia e proyecto aki ta muestra di un confiansa grandi den economia di Aruba.

Prome Minister Eman ta haya importante cu e proyecto grandi aki ta canando bon. Pa Prome Minister Eman ta esencial cu e desaroyonan positivo di Aruba ta cana man den man cu bienestar general di e pueblo di Aruba.

Ta p’esey cu e no ta cansa di bisa cu e pueblo di Aruba merece di tin scol, bario y sigur un hospital di cinco strea mescos cu nos tin hotelnan di cinco strea. Un deseo cu semper Eman ta expresa. E proyecto aki ta encera mucho mas cu solamente un hospital mas grandi y mas moderno. E ta encera tambe un miho cuido medico cu loke nos tin awor. Tur empleado di hospital a haya oportunidad pa expresa nan deseo di e hospital cu nan kier. Nan a wordo envolvi durante henter e proceso.

Pa motibo cu e ta un proyecto solido, institutonan financiero a duna nan aporte. “Awor nos ta sigui padilanti cu e proyecto bunita aki”, Eman a enfatisa.

- Advertisement -

DUNA COMENTARIO

Please enter your comment!
Please enter your name here