Archivo di February, 2013

Linear Park ta keda como un joya di proyecto pa Aruba

Publication: Thursday, 28 February 2013. Categoria: General

Ta cla pa bay finaliza e proyecto

ORANJESTAD (AAN): Cu satisfaccion Minister di Turismo, Transporte y Labor, Otmar Oduber, a anuncia cu despues di casi 2 aña ta cla pa finaliza e proyecto di Linear Park den e proximo dos pa tres simannan nos dilanti.
  

Pa por a logra haya Linear Park na un standard cu lo contribui na eleva Producto Aruba mas ainda mester a haci un par di cambio y adaptacion pa mehora e proyecto aki.  Despues di un retraso di 13 luna, ta cla pa dia 17 di maart venidero inaugura Linear Park den e cuadro di e fin di siman di celebracionnan relaciona cu nos Dia Nacional. Cumindanso ya caba for di oranan di mainta lo combina e dia aki cu e Mercado di Santa Rosa riba Plaza Turismo.

Famia Kennedy hopi entusiasma cu desaroyonan y ta na altura di e desaroyonan

Publication: Thursday, 28 February 2013. Categoria: General

Relaciona cu renobacion y restauracion di John F. Kenendy School:

ORANJESTAD(AAN):Probablemente e aña ’ki of esun despues, Aruba por ricibi bishita di un miembro di e famia di ex president americano John F. Kennedy d.f.m., kende a hunga un rol importante den politica Mericano.

Varios famia di e ex-presidente aki ainda ta haciendo aportenan grandi den politica Americano awendia.

Prome Minister Mike Eman a yega di ricibi bishita di Joe Kennedy, pero tambe tabata di bishita serca e famia na Merca pa intercambia di idea riba varios topico di interes mutuo. Den e combersacionnan a papia tambe di plannan di Gobierno di Aruba pa renoba e edificio cu ta hiba nomber di John F. Kennedy.

Danki pa cariño y amor cu Aruba tin cu Republica Dominicana

Publication: Thursday, 28 February 2013. Categoria: General

Consul general di Republica Dominicana:

ORANJESTAD(AAN)– Consul  General Dominicano Joseline de Rosa  masha orguyoso y feliz, ayera a felicita e residentenan dominicano na Aruba cu celebracion di fecha di independencia di Republica Dominicano, cual a keda celebra na Plaza Juan Pablo Duarte ayera mainta.  El a gradici tambe e gesto di reciprocidad cu Aruba tin cu su pais y e amor cu ta wordo binrda na comunidad dominicano. Prome Ministro di Aruba, gobenador Sr. Fredis Refunjol, varios ministrio y dignatarionan tabata presente na e aco protocolario y celebracion cu brindis.

E consul a menciona tambe celebracionnan cu lo tin  fin di e siman aki riba cual lo elabora mañan. Den e edicion aki por mira fotonan di e celebracion ayera.

Cu solidaridad tur pensionado na Aruba por haya ahustacion di 50 florin

Publication: Thursday, 28 February 2013. Categoria: Politica

Juan David Yrausquin durante conferencia di prensa di fraccion AVP:

ORANJESTAD(AAN):Durante conferencia di prensa di fraccion di AVP, Parlamentario Juan David Yrausquin a papia riba e preguntanan Parlamentario cu e la entrega siman pasa na Minister di Asuntonan General, Mike Eman, riba e extra reparatietoeslag pa pensionadonan y ahustacion/indexering di e pensioen di ambtenaar.

E Parlamentario a splica cu intencion di e extra reparatietoeslag ta pa crea un entrada adicional di 50 florin pa luna pa esunnan cu ta cobra pensioen di behes di SVB so (AOV). Segun informacion cu Gobierno a trece padilanti, mas o menos 11.000 pensionado lo ricibi e suma aki.

 Tambe tin un grupo di mas o menos 3500 pensionado ambtenaar cu lo ta a punto di ricibi un ahustacion di 85 florin pa luna pa motibo di e negociacion di e indexering entre sindicatonan y gobierno.

Dr. Arturo Saladin haya un caya na su nomber

Publication: Thursday, 28 February 2013. Categoria: General

Prome Minister a anuncia durante di celebracion protocolar na Plasa Juan Pablo Duarte:

ORANJESTAD(AAN):– “Nos ta bay dedica un caya special na un persona cu a conkista e curason di e pueblo di Aruba. Durante añanan largo e la mustra un dedicacion na e salud di nos pueblo y tabata un dokter cu a resalta den e region aki,” Sr. Eman a anuncia durante un acto protocolario na Plasa Juan Pablo Duarte. Na e plasa aki, e comunidad Dominicano a celebra e dia nacional di Republica Dominicana. E persona na kende ta bay dedica e caya ta Dr. Arturo Saladin, q.e.p.d. Dr. Saladin a nace na Republica Dominicana y for jong a lanta y crece na Aruba te cu despues e la haya su formacion medico den exterior y a bolbe Aruba bek pa contribui na e pais cu semper e la stima.

“E tabata un dokter cu a resalta y tabata hopi conoci y keri na Aruba, tanto pa su conocemento, pero tambe pa su curason grandi,” Sr. Eman a enfatisa.

“Reconociendo Sr. Saladin cu un caya den e simannan cu ta bin aki, nos ta reconoce tambe e gran labor cu e pueblo Dominicano ta haci na Aruba y pesey awe cu Dios sigui guia y conserva den boso e amor pa e patria aki cu boso a adopta pa haci boso bida.”

Aruba Bank ta patrocinado orguyoso di e “Women’s Day Conference”

Publication: Thursday, 28 February 2013. Categoria: General

Contribuyendo na participacion activo di hende muher Arubiano 

ORANJESTAD (AAN): Aruba Bank ta hopi orguyoso di anuncia su participacion como Platinum sponsor den e proximo Women’s Day Conference titula Strong Leadership. Strong Women. Strong World”.

E conferencia aki lo tuma luga riba diabierna 8 di Maart proximo den Renaissance Convention Center den cuadro di Dia Internacional di Hende Muher.

   E conferencia aki ta priminti di bira uno sumamente interactivo, educativo y inspirativo pa un y tur cu lo atende. E mainta y atardi di conferencia ta worde dedica na e conocemento y crecemento di e hende muher, lo trata diferente topico durante e conferencia, cu participacion di oradornan invita manera S.A.R. Prinses Laurentien, Maria Bello, Dr. Sue Morter, Elizabeth Gore y e organizacion “Femme: Healing the World”.

Carta abierta pa Minister Michelle Winklaar

Publication: Thursday, 28 February 2013. Categoria: General

Di Nuhad Mansur

A mi no a studia Economia, pero mi Universidad ta añanan di experiencia den negoshi

Ultimamente tin hopi negoshi grandi aki na Aruba cu ta cabando cu esunnan di Arubianonan. Competencia ta sano. Pero hopi di nan ta bin pa gana placa y nada mas. Ya cu di servicio y amabilidad y compasion nan no tin nada. Ta masha poco lugar aki na Aruba tin e dicho na pecho cu ainda cu “Cliente ta Rey.”  Y loque mas nan ta lubida pa ora di traha megastorenan asina, mester tin un servicio pa hendenan incapacita y no por cana hopi. ya cu nan tambe ta conta ainda den nos comunidad.

Fase 1 – Desaroyamento di e plataforma pazuid di Aeropuerto

Publication: Thursday, 28 February 2013. Categoria: General

Parlamentario Chris Dammers di AVP:

ORANJESTAD(AAN)–  Diamars, 26 di februari 2013, a duna  inicio na e desaroyamento di e plataforma pazuid di Aeropuerto Internacional Reina Beatrix di Aruba.

E ta un proyecto cu ta wordo financia completamente cu fondonan di Aruba Airport Authority N.V. y e ta bay tin un costo total di 18 miyon florin.

Mirando e crecemento e ultimo aňa nan den e trafico cu “General Aviation” ta bin ta genera – avionnan priva y avionnan di companianan comercial.

E crecemento aki ta muy en particular desde cu AAA N.V. a base di un destaho publico den pasado a pasa e operacion over di e parti di “general aviation” over pa Universal Aviation.

Conferencia pa famia di Mount Horeb Ministries dia 1 di Maart

Publication: Thursday, 28 February 2013. Categoria: General

ORANJESTAD (AAN) – Diabierna 1 di Maart 2013 pa 7:30 pm- 9pm  lo tin den Certified Megamall (Caminda antes tabata Iglesia Aliansa ) un conferencia pa famia, presenta pa Mount Horeb Ministries.

Lo ta presente for di Maracaibo, Venezuela 3 dokter cual nan ta  Dra, Elisabeth Borjas, Hematologo- Oncologo, Dra Maria Marquez, Medico-Psicologo, Dra Maria Mesa Odontologo en General.

Dra Elisabeth Borjas ta un di e dokter hopi conosi na Maracaibo den ramo di oncologo y hematologo, y tambe reconoci na paisnan manera Brazil, Panama, Merca, y hasta Suiza.

Lider di MEP Evelyne Wever-Croes y candidatonan di MEP a wordo ricibi cu brasanan habri den Koyari

Publication: Thursday, 28 February 2013. Categoria: Politica

Francis Jacobs di MEP:

ORANJESTAD   (AAN):   Recientemente Movimiento Electoral di Pueblo (MEP) a drenta e bario di Koyari den districto di Noord cu un reunion di contacto.

Tin di bisa cu e reunion aki tabata uno hopi positivo mes, mirando e hecho con e ciudadanonan a duna bon bini y apoyo na tanto lider di partido Evelyne Wever-Croes y demas candidatonan.

   Na e reunion aki a hiba palabra Carl Giel, Stephanie Croes, Francis Jacobs, Arondino Croes y Presidente di Partido, Joe Koolman. E reunion aki tabata pa informa e pueblo di e realidad di loke ta pasando y tur e peligernan financiero,  cu e gobierno actualmente na mando ta hibando nos pais.

John F. Kennedy a educa miles di mucha y a duelmi cu e edificio a wordo laga asina

Publication: Thursday, 28 February 2013. Categoria: General

Ex director Paul van Niel:

ORANJESTAD(AAN): Ainda Paul van Niel ta topa cu ex alumnonan di President John F. Kennedy School unda cu e bay y nan ta recorde.

John F. Kennedy School ta bay wordo restaura dor di Gabinete Mike Eman y SOGA (Stichting Onroerend Goed Aruba) pa bira sede entre otro di departamentonan cu ta cay bou di Ministerio di Enseñansa.

Den combersacion cu un di e ex directornan di e instituto educativo aki, Paul van Niel, el a bisa cu e ta contento di por a siña e “mala muchanan cu ta wordo manda pa nan” disciplina. Disciplina den klas tabata siña e muchanan pa cambia nan sistema.

“E scol a hunga un rol importante den bida di hopi mucha, awendia adulto. Unda cu mi bay – WEB, ELMAR – ta topa cu ex studiantenan. Aunke mayoria ta bay cu pensioen. Pero antes unda cu bo bay, ta topa cu un ex studiante di John F. Kennedy School.

Festival “Un canto pa Aruba su Himno y Bandera” infantil y hubenil ta priminti di ta grandi y bunita

Publication: Thursday, 28 February 2013. Categoria: General

 

Oslin Ismael presidente di e fundacion:

ORANJESTAD (AAN) – Den conferencia di prensa relaciona cu e festival “Un canto pa Aruba su Himno y Bandera” 2013, señor Oslin Ismael, encarga cu e festival infantil y hubenil, a hiba palabra.

E ta tuma lugar den Centro di Bario Tanki Leendert, y e evento a wordo parti den tres dia, cu ta diabierna, diasabra y diadomingo di e siman aki, y pa cada dia tin un diferente categoria.

Diabierna 1 di Maart ta cuminza cu e cantantenan infantil, cu ta den e categoria di siete pa nuebe aña, cu un total di diestres participante. E ta cuminza pa 7’ or di anochi y pa 11.30’ or mas of menos lo ta sacando e ganador.

Uzo di fuentenan energetico manera biento y solo ta hopi importante pa desaroyo y salud di nos medio ambiente

Publication: Thursday, 28 February 2013. Categoria: General

Ex Astronauta Ockels:

ORANJESTAD(AAN):Esaki ta e mensahe inspirador cu ex Astronauta, y diseñador di e nave Ecolution a bisa na un grupo grandi di studiantenan di Ibero-American High School situa na San Nicolas.

Den cuadro di e biahe debut di Ecolution cu a nabega for di Europa crusando Atlantico pa Aruba, su diseñador, ex Astronauta Wubbo Ockels, a keda Aruba algún luna pa hiba e mensahe di e futuro berde di mundo pa principalmentenan studiantenan di e isla.

Durante su estadia na Aruba Ockels lo bishita diferente scol di Aruba unda cu lo duna lectura riba su experiencia como Astronauta cual ta e momento cu el a realisa cu e mester cuminsa haci algo pa mantene y protege mundo pa futuro generacionnan.

Barco ‘Ecolution’ ta genera su propio energia pa medio di e propellernan bao di e barco

Publication: Thursday, 28 February 2013. Categoria: General

 *energia genera, ta suficiente pa 10 cas

ORANJESTAD(AAN): Diaranzon atardi prensa a haya un splicacion di parti di ex astronauta Wubbo Ockels tocante su boto cu ta auto-sostenible.

El a splica cu e barco ‘Ecolution’ ta un barco special.

E parti abao di e boto a wordo construi pa un arquitecto famoso Jerry Dijkstra.

E ta un fondo cu ta comporta hopi bon den ola di laman.

Durante su viahe pa Aruba Ecolution a pasa den difgerente tormento, di cual uno tabata hopi pisa.

Ta trata di un tormento di 63 nudo na Portugal y asina mes e barco a nabega relativamente trankil.

Celebracion dia di Independencia di Republica Dominicano

Publication: Thursday, 28 February 2013. Categoria: General

ORANJESTAD(AAN)– Ayera na Plaza Duarte comunidad dominicano a celeba e di 169 aniversario di independencia nacional di Republica Dominicana.

Tabata tin ceremonia protocolar cu pesencia di gobernador di Aruba Sr. Fredis Refunjol, Prome Ministro Eman, varios ministro y parlamentario hunto cu invitadonan di tur sector di nos isla, tame ponemento di krans.  E fotonan ta duna  un idea di e ceremonia y celebracion festivo di dominicanonan residencia riba nos isla.