ORANJESTAD (AAN): Pa e region di Latino America y Caribe di YMCA, Anky ta e persona mas jong cu e posicion aki. Cu apenas 29 aña el a cuminsa un capitulo nobo den su carrera profesional despues cu el a asumi e encargo di dirigi y manehaYMCA na luna di April aña pasa.
Anky ta unTrahador Social kende a studia na Hogeschool Leiden pa tres aña durante cual ademas di a studia, a traha tambe na Leiden den e ramo di gehandicaptenzorgt anto pa hoben como pa e grandinan cu entre otro pa recreacion special pa e personanan cu limitation. Despues Vrolijk a termina su estudio di HBO- na Saxion Hogeschool, Enschede.
Durante cu e tabata na Enschede, el a bishita varios instancia na Curacao pa asina conoce mas den e ramo social. el a haya un bista di entre otro Clinica Caprilles, Dios Yuda Mi, G.O.G y Sint Joseph na unda el a haya mihor conocimiento di e trabao di trahadornan social.
Na Aruba mes Vrolijk a gana basta experencia den e Deparamento di Asuntonan Social den e districto di Noord, despues a traha como trahador di bienestar den e districto di Savaneta y tambena Centro Ortopedico como groeps opvoeder.
Pa e ultimo 4 añanan Anky Vrolijk tabata encarga cu un school hulandes.
Akinan e tarea principal tabata pa percura cu e calidad di e school keda uno halto door di keda tene un bista critico riba e parti material como tambe e tecnicanan di education pa e leidsternan pero alavez introduciendo ideanan nobo y creativo pa e school. Ademas di esaki, AnkyVrolijk a sa di guia 29 staigiare den e ultimo 4 añanan di schoolnan manera EPB, EPI, MBO di y HBO di Hulanda y studiantenan den nan fase final di estudio.
Anky Vrolijk tin un bista hopi positivo pa loke ta YMCA. Algun programa cu el a traha hopi di cerca cu nan na YMCA ta: Proyectonan pa hobennan manera Grafiti Positivo, Lesnan di cushina saludabel, proyectonan pa 60 plus hunto cu Club Kibrahacha y hopi mas.
Nos ta invitabo pa mira e siman aki e PART 1 di e entrevista cu Ank yriba nos website, otro siman bo por mira e PART 2 di e entrevista.
Bishita nos website www.amigga.net
