Home Policial Detencion Cay Di 4 Persona Cu A Comete Atraco Ariba Un...

Detencion Cay Di 4 Persona Cu A Comete Atraco Ariba Un Chines

2
0
SHARE
- Advertisement -

“ A logra confisca 2 Auto, Droga, Arma y hopi placa durante e accion rapido”

ORANJESTAD (AAN) : Un diadomingo mainta cu a cuminsa relativamente hopi keto, a bira uno sumamente druk. Polisnan hopi alerta a bay controla un auto hopi sospechoso na altura di Pacifico Paradera y a canta BINGO.

A bin topa cu 2 persona den un auto Ford. Un di e personanan tabata bao di sanger,.

Den un fraccion di seconde e otro pasahero a logra huy y a drenta mondi. Inmediatamente un accion di buskeda a cuminsa mirando cu e caso a cuminsa hole hopi straño.

Mientrastanto cu Polis tabata buscando e sospecho cu a logra huy den mondi, e persona herida a declara na Polis cu nan a caba di asalta un persona den vecindario di Alto Vista.

Polisnan a drenta den accion inmediatamente y a pone tur unidad disponibel pa logra haya e otro personanan envolvi den e atraco.

Na altura di Calabas, bisiñanan sumamente atento a yama Polis pa un auto cu lo a perde control y haci algun maniobra straño. Polis cu e momento ey tabata den vecindario a cuminsa un persecucion tras di e auto y a logra para esaki patras di Dam di Moko.

Aki e di 2 detencion a tuma luga. Den mondi cu ayudo di helicopter, polis motorisa, K-9, Polis Civil y bisiña a logra pa pone man riba un otro sospechoso cu tabata scondi den mondi.

Segun informacion cu Polis a obtene  ainda falta 1 sospechoso y a keda busca den e area. Despues cu a keda busca, a bin logra detene e ultimo atracado cu a purba di sconde di Polis, pero danki Dios na e bon cooperacion di helicopter y algun bisiña, a logra pa pone man riba e persona aki.

Mester bisa cu e caso aki no tabata uno facil, mirando cu e atracadonan tabata arma y hasta a purba pa tira riba Polis. Polis a logra pa confisca placa, Arma, Droga riba e atracadornan y den e auto di e atracadonan.

Comisario Dolphi Richardson tambe tabata presente pa yuda den e buskeda masal .

- Advertisement -

DUNA COMENTARIO

Please enter your comment!
Please enter your name here