Home Politica Otmar Oduber a ricibi calurosamente na Yucuri

Otmar Oduber a ricibi calurosamente na Yucuri

0
0
SHARE
- Advertisement -

Durante reunion di contacto

ORANJESTAD(AAN)– Recientemente Otmar Oduber candidato di partido AVP tabatin un reunion di contacto exitoso na Yucuri.

Un grupo grandi di persona a acudi pa scucha y conversa cu e politico dinamico aki cu a demostra di ta un tremendo Minister di Turismo, Transporte y Labor.

Durante e reunion aki na cas di Walter Maduro,  Otmar Oduber a presenta e maneho di Gabinete Mike Eman enfocando mas riba e parti di su ministerio.

A elabora riba e diferente cambionan positivo cu a bin ta tumando lugar den nos turismo, cu for di 2010 a bin ta creciendo y cu perspectivanan ta cu e lo sigui crece tambe, na nivelnan modera.

E enfoke aki ta hopi importante pa bin dilanti cune, pasobra maneho di actual Minister di Turismo ta pa crece den calidad y no tanto den cantidad.

E politico tin 2 aña consecutivo caba cu e ta haci bishita den diferente barionan rond di Aruba pa conversa y scucha for di comunidad y e pueblo di e barionan cu e ta bishita. E politica di bishita bario y casnan cada pasa cuatro aña na momento tin eleccion so, no ta e tipo di politica cu Otmar Oduber ta boga pe y e ta di opinion cu e tipo di politica aki no ta duna fruta pa cu un bon gobernacion. Canando den pueblo ta e unico manera pa conoce kico pueblo ta sinti y opina, asina por ofrece un mihor maneho teniendo na cuent ae deseo di pueblo.

Sr. Oduber a sa di hiba bon noticia pa e habitantenan, unda cu cuminsamento di maart lo cuminsa cu e plan di restauracion di e caminda pa cu e bario di Yucuri. Esaki ta mustra cu e compromiso tey pa cumpli cu plannan di 2013-2014 pa e bario aki.  E politico a splica cu como un prioridad a wordo poni pa por restaura camindanan den diferente barionan rond di Aruba.

- Advertisement -

DUNA COMENTARIO

Please enter your comment!
Please enter your name here