Home General Proyecto “Exercise is Medicine” ta bay cambia e percepcion y e pensamento...

Proyecto “Exercise is Medicine” ta bay cambia e percepcion y e pensamento pa loke ta medicina, cuido y ehercicio na Aruba

0
0
SHARE
- Advertisement -

Minister Dr. Richard Visser:

ORANJESTAD (AAN): Recientemente a tuma luga presentacion oficial di e programa “Exercise is Medicine” na profesionalnan di salud di nos isla. Minister di Salud y Deporte Dr. Richard Visser a haci introduccion di e programa sigui pa e presentacion di Adrian Hutber Ph.D, Vice Presidente di “Exercise is Medicine” di e American College of Sports Medicine.

    Na prome luga, Minister Visser a señala cu e programa aki ta bay bira un parti clave pa trata pashent na Aruba. Esaki ta algo cu ta trahando riba dje for di e Conferencia PACO I, tres aña pasa.

A laga sa cu pa esaki a establece contacto cu Dr. Hutber, Pan American Health Organization (PAHO), representantenan na Merca y diferente pais cu ta envolvi den e proyecto aki caminda a cuminsa implementecaba.

    A agrega cu parti importante den e proyecto tabata pa papia cu e stakeholders, easkinan ta entreo otro Docternan di cas, specialistanan, AZV, Fisioterapistanan, IBiSA , AZV, pa bin hunto y participa activamente den e proceso di implementacion. E mandatario a subraya cu e obhetivo di e proyecto “Exercise is Medicine” ta pa conscientisa nos poblacion riba importancia y efectividad di haci ehercicio y, con nos mester move pa keda saludabel. “Esaki ta bira algo cardinal pa tur e malesanan cronico cu nos tin na Aruba. Na Aruba nos tin un problema hopi grandi cu malesa cronico”, el a enfatisa.

   Minister Visser a manifesta tambe cu ehercicio a mustra cu ta e miho remedi cu tin. Ehercicio ta haci loke ningun remedi por haci riba su mes. E proyecto aki ta bay cambia e percepcion y e pensamento pa loke ta medicina, cuido y ehercicio mes. “Esaki ta e shift cu nos ta wardando y cu nos ta bay implement’e cu nos dokternan”, el a bisa.  Tin dokternan y specialistanan cu ta para totalmente su tras y e mandatario ta hopi gradici na nan.

  Entre awo cu Juni lo implementa e programa aki completo den tur sector y por premira cu e lo haci un cambio hopi grandi den nos salud, Minister di Salud y Deporte a expresa. Ta bay entrena Dokternan pa analisa e pashent y haci e presripcion necesario, e prescripcion tin un programa pa cada condicion di salud y e receya ta worde individualisa.

   Dr. Hutber a repasa e problemanan inmenso cu falta di actividad fisico ta trece cune. El a splica cu banda di mehora e condicion di salud di e pashent ta mehora su calidad di bida door di introduci actividad fisico den e tratamento individual y personalisa. Hutber a referi tambe na un epidemia di inactividad cu ta acelera e aparicion di malesanan cronico.
   

 Segun World Health Organization (WHO) despues di presion halto, uzo di tabaco y diabetes, falta di actividad fisico ta e di 4 causa di mortalidad na mundo cu ta responsabilisa su mes pa 3.3 miyon morto pa aña. Esaki tin su motibo na e hecho cu 56% di e adultonan no ta cumpli cu recomendacionnan pa realisa suficiente actividad fisico.
   

E experto a enfatisa cu dokternan di cas no mester kere cu esaki lo bay significa mas trabao pa nan den nan practica diario ya cu e programa ta complementa nan tratamento tradicional. Banda di esaki tur esunnan envolvi den e programa lo haya guia con pa prescribi actividad fisico segun e condicion di cada pashent ya cu esaki ta individualisa segun e diagnostico of sintomatologia di cada pashent.

Durante di e presentacion a firma un asina yama “Memorandum of Understanding” (MOU) conhuntamente cu profesionalnan di salud di diferente area. Aki ta referi na dokternan di cas, specialistanan, fisioterapistanan, IBiSA y specialistanan di hospital, entre otro.

- Advertisement -

DUNA COMENTARIO

Please enter your comment!
Please enter your name here