Home General Asina tabata e yegada di delegacion oficial di Aruba y Curacao na...

Asina tabata e yegada di delegacion oficial di Aruba y Curacao na Maiquetia

0
0
SHARE
- Advertisement -

ORANJESTAD(AAN): Diahuebs anochi e delegacion di Aruba acompanja pa prome minister di Curacao a sali pa Venezuela.

   E bishita tin di haber cu e despedida oficial di presidente Hugo Chavez Frias kende a fayece diamars ultimo. E yegada di e avion tabata na pia di e tapijt cora. Aki miembronan cu ta representa gobierno Venezolano a ricibi e delegacion. Asina a cana bay direccion di e autonan cu tabata warda riba nan.

   A haci un pasada mey mey di un cantidad di militar cu tabata presente pa yegada di lidernan di diferente pais cu tabata yegando uno tras di otro.

  Na aeropuerto Simon Bolivar na Maiquetia tabata basta druk tanto cu representantenan protocolario como tambe prensa cu tabata cubri yegada di e cantidad di miembronan di gobierno di diferente pais.

   E agenda di e delegacion di Aruba lo ta basta ocupa diabierna pa e ocasion di despedida. Embahada Hulandes na Caracas tambe tabata presente pa ricibi e delegacion di e dos islanan Aruba y Curacao.

   Na Caracas e momentonan aki tin presencia oficial di Prome ministernan Mike Eman di Aruba y Daniel Hodge di Curacao. Minister ing Mike de Meza y tambe drs Andy Lee director di e departamento di asuntonan di exterior.

- Advertisement -

DUNA COMENTARIO

Please enter your comment!
Please enter your name here