Cambio di leynan laboral pa e ser masculino sostene su pareha

Publication: Monday, 4 March 2013. Categoria: General

ta otorga dos dia liber adicional

ORANJESTAD   (AAN):   Den cuadro di e cambio di leynan laboral Minister di Labor, Otmar Oduber ta di opinion cu como tata tambe e hende homber mester tin e derecho riba dianan liber pa cu e nacemento di su yiu.

Asina a reglamenta e introduccion di un ley nobo cu ta duna dos dia adicional di ‘kraamverlof’ cu pago normal pa e ser masculino.
Actualmente e trahador masculino tin derecho riba un periodo cortico riba dia di parto di su casa como tambe riba dia di haci declaracion di e mucha na censo.

Hopi biaha e tata mester presenta bek na trabou despues di un par di ora lagando e mama su so pa cuida e mucha.

Mirando e mundo moderno cu nos ta bibando aden e mandatario ta haya necesario pa e ser masculino cu ta e pareha di e mama tambe ta presente pa brinda sosten na e ser femenino durante e prome dianan despues di nacemento di mucha y asina, cu sosten di Parlamento, a otroga dos dia mas di ‘kraamverlof’.

E dianan liber aki no ta forma parti di e dianan di vacacion y no lo por wordo desconta como tal.

Minister Oduber ta mira cu e cambio den ley laboral aki lo sa di aporta na e proteccion y seguridad di e famia na momento cu e hende homber ta presente pa experiencia e prome dianan di bida di su yiu.

Leave a Reply