Home General Reunionnan di Minister Otmar Oduber na ITB a resulta den un exito...

Reunionnan di Minister Otmar Oduber na ITB a resulta den un exito rotundo

1
0
SHARE
- Advertisement -

ORANJESTAD   (AAN):   Minister di Turismo, Transporte y Labor Otmar Oduber den un entrevista for di Berlin, Alemania a splica riba e desaroyonan di e reunion di ITB  cu a resulta di ta un exito rotundo.

   Funcionarionan di Aruba tabata presente durante e conferencia importante aki caminda cu un cantidad di ehecutivonan, charternan y representatenan di diferente aerolineanan y hotelnan cu tin nan representenan di Alemania, incluso di full Europa, manera  Hulanda , Italia, Inglatera y Scandinavia.

Nan tur a bini hunto pa conversa riba e diferente desaroyonan cu tin den Europa. 
Apesar di e diferente paisnan cu ta pasando den situacionnan economico dificil, cu retonan grandi awor aki, por ripara cu asina mes Aruba ta wordo mira como un destinacion cu hopi potencial, e mandatario a splica.

    Mayoria di e mercadonan aki ta mustra di kier continua di ta partners di Aruba pa aña 2013 -2014. Parti di e conversacionan tabata netamente pa sera acuerdonan pa continua cu e relacion d trabou e aña cu ta bin. Por bisa asina cu e resultado di e reunion tabata sumamente fructifero. 

     Minister Oduber a inicia cu oficina di turismo di Europa a duna un relato di con aña pasa a bay y con e aña aki a habri. A  pesar cu Hulanda ta coriendo den cifranan negativo, si compara Aruba cu otro destinacionnan manera Curaçao, Cancun y  Santo Domingo, e caida leve cu tin na Aruba ta menos di loke nan conoce di otro destinacionan.
    Tambe e mandatario a comenta cu den otro mercadonan ta mira cu tin un crecemento substancial cu ta tumando lugar, mientras cu mercadonan manera Alemania y Inglatera ta recuperando awor aki y otro destinacionnan ta mustra positivo.
    Tur cu tur e reunionnan aki ta mustra cu e interes cu Gobierno tin pa percura, manera e strategia ta di maneho di Gobierno, pa pone atencion riba diversificacion na por ehempel Latino America caminda nos ta conociendo crecementonan substancial manera Venezuela, Colombia y Brazil. A sigui despues pone prioridad riba mercado Mercicano pa cual den e ultimo 6 luna por a nota un recuperacion.  

    Awor aki accento ta riba mercado Eurpeo pa para e desaroyo negativo cu tin pa loke ta trata influencia economico na Europa, percura pa stabilisa esaki y percura tambe pa den futuro por ta fuerte un biaha mas den e mercado aki y asina por continua den e direccion cu nos a conoce den e promer dos lunanan di aña 2013 cu tabata sumamente positivo.

    Minister Otmar Oduber ta sumamente satisfecho cu e reunionnan y ta convenci cu esaki lo continua tambe durante e diferente reunionnan cu lo tuma lugar na momento cu e yega Hulanda pa reuni cu e diferente partnernan.

- Advertisement -

DUNA COMENTARIO

Please enter your comment!
Please enter your name here