Vision di Minister Otmar Oduber pa logra mas atraccionnan turistico na San Nicolas birando realidad

Publication: Monday, 4 March 2013. Categoria: General

Community Museum San Nicolas ta un otro logro di e mandatario

ORANJESTAD  (AAN):  Aña pasa riba 18 di maart, Minister Turismo, Transporte y Labor Otmar Oduber a haci un bishita na e museo di antiguedad situa na Dakota 18 y por bisa cu e coleccion a sa di haci un efecto positivo riba e mandatario. Na mes momento el a nota cu e exposicion aki ta mucho grandi y dificil pa mantene dor di famia.

Di biaha Minister Oduber a bin cu e iniciativa pa hiba e inventario valioso aki y ubike na un localidad na San Nicolas. Idea ta pa por expone parti di e inventario aki Pariba di Brug.

Minister Otmar Oduber kier duna e bario di San Nicolas e oportunidad pa demostra eyfor tur e beneficionan cu tin pariba, no solamente pa turista, pero tambe pa nos hendenan mes.

Conhuntamenete cu Fundacion Museo Aruba, Minister Oduber lo habri portanan di e promer Community Museum na San Nicolas durante e di dos siman di maart. Esaki lo ta un atraccion mas pa por logra atrae mas turista pa bishita San Nicolas.

Minister di Turismo, Transporte y Labor su interes ta pa trece un fluho diario di persona pariba y asina contribui cu e crecemento economico y cultural na San Nicolas. Den cuadro aki por menciona cu Gabinete Mike Eman tin diferente plannan cu lo wordo ehecuta pa contribui na e embeyecemento di San Nicolas manera Carnaval Museum, Water Toren cu lo bira Industrie Museum, Sport Museum y Community Museum. 
Danki na esaki San Nicolas ta bira ainda mas un comunidad rico na cultura, cu diferente museo cu turistanan, pero sigur nos muchnan cu ta creciendo cu lo por bin y experiencia nos historia  y herencia, algo sumamente positivo.
Minister Otmar Oduber ta sumamente orguyoso di por contribui di e forma aki, pa medio di e fondonan di mehoracion di producto Aruba (TPEF), cu desaroyo di nos cultura y tradicion na San Nicolas.

Leave a Reply