Archivo di April, 2013

“Fashion Avenue” lo ta un novedad durante Europe Meets the Americas!

Publication: Monday, 29 April 2013. Categoria: General

Un total di 175 compania di exterior y mas cu 400 participante a inscribi caba

ORANJESTAD (AAN): Falta apenas algun dia pa e conferencia ‘Europe Meets The Americas’ cuminsa.  Esaki ta bay ta entre dianan 6, 7 y 8 di Mei proximo aki na Aruba. Ta trata di tres dia di conferencianan di negoshi caminda un gran cantidad di representantenan di companianan di Latino America como tambe di Europa lo reuni na Aruba pa establece contactonan y constata kico tur Aruba tin pa ofrece nan como un gateway cu Europa.

    Relaciona cu esaki Minister di Asuntonan Economico, Asuntonan Social y Cultura, Michelle Hooyboer-Winklaar ta masha entusiasma.  El a informa cu ya caba 19 pais a inscribi nan delegacionnan. Algun di e paisnan aki ta Brazil (20 compania), Colombia (25+) y Panama (15+), entre otro. Pa loke ta trata e companianan cu ta bay ta presente, ta bay ta yegando Aruba mas di 175 compania en total.

Choque fuerte entre auto y palo di luz a costa bida di chofer femenino

Publication: Monday, 29 April 2013. Categoria: Policial

ORANJESTAD (AAN): E golpi tabata fuerte!  Net un tiki pazuid di e cruzada di Moko, riba e caminda di Catiri pa Kudawecha, chofer di un Kia sedan color cora tabata bayendo direccion di Tanki Leendert.

  Pa motibo desconoci, e vehiculo a baha banda drechi di caminda, y cu casi full speed a dal contra un palo di luz.

   Esaki a pone e vehiculo bons bek, bay den un scual, y finalmente keda na banda robez di caminda.  E golpi tabata casi mey-mey di e front di e auto.

Prome Minister Mike Eman ta tene discurso na Universidad di Leiden

Publication: Monday, 29 April 2013. Categoria: General

ORANJESTAD(AAN): Dialuna dia 29 di april Prome Minister Minister Mike Eman ta duna un lectura na Universidad di Leiden. Eman a yega Hulanda diadomingo relaciona cu abdicacion di Reina Beatrix y inauguracion di Rey Willem-Alexander.

   Cu gusto Eman a complace cu e peticion di e asociacion di studiante Societas Iuridica Antiliana et Arubana (SIAA) pa bin duna un discurso pa studiantenan Arubano y Antiano. Cu su lectura titula ‘Caribisch Koninkrijk als gateway voor Nederland naar Latijns-Amerika’ Premier Eman ta duna splicacion ki rol e islanan por hunga den promove e contactonan comercial cu e mundo empresarial Hulandes cu companianan den Latino America pa di e forma aki concretisa e balor agrega di Reino.

   Aruba a desaroya e concepto di gateway asina leu cu ya caba e por worde poni den practica. E señal di inicio ta worde duna durante e conferencia ‘Europe meets the Americas’ cu ta cuminsa di dia 5 te cu 8 di mei na Aruba. Mas o menos 270 empresario di Hulanda, Europa, Latino y Centro America y e region Caribense ta topa otro eynan. E lectura cu ta worde duna na Universidad di Leiden den e ‘Oude Sterrenwacht’ na Kaiserstraat 63 ta cuminsa 12’or, pero e porta ta habri for di 11.30 caba.

A anuncia 5 nominado pa “Premio Padu Lampe”

Publication: Monday, 29 April 2013. Categoria: General

Durante celebracion di su cumpleaños

ORANJESTAD (AAN): Cada pasa dos aña Gobierno, por medio di Minister Michelle Hooyboer-Winklaar di Asuntonan Economico, Asuntonan Social y Cultura, ta pone lus riba un artista specifico. A inicia cu Premio Padu Lampe dos aña pasa, pa cual e artista Ryan Oduber a gana e prome premio. Awor ta cla pa saca un ganado atrobe!

  Probechando su hacimento di aña, Minister Michelle Hooyboer-Winklaar a anuncia e 5 nominadonan pa e “Premio Padu Lampe” sinta banda di e cumpleañero na su cas situa den Beatrixstraat.

  A instala un comision cu ta haci e trabao di sondeo, tocante ken tur ta activo den nos cultura, enrikeciendo y engrandeciendo esaki, specialmente cu nos hobennan.

Rapport di IMF ta indica cu Aruba ta bayendo den e bon direccion

Publication: Monday, 29 April 2013. Categoria: General

Maneho di turismo a contribui grandemente na e bon resultado aki

ORANJESTAD (AAN): Diabierna Gabinete Mike Eman tabatin un conferencia di prensa cu caracter di urgencia pa presenta e datonan preliminar di e mision consultativo di IMF. Presente pa duna e resultadonan aki tabata presente Promer Minister Mike Eman, Minister di Finanzas Mike de Meza, Minister di Infrastructura Benny Sevinger, Minister di Economia Michelle Hooyboer-Winklaar y Minister di Turismo, Transporte y Labor, Otmar Oduber.

Resultadonan preliminario ta bisa cu Aruba ta bayendo den e bon direccion, pero naturalmente cu ainda falta. Un factor cu e entidad internacional financiero aki ta remarca cu a contribui na e resultado positivo aki ta turismo.

IMF ta bisa textualmente: “Parcialmente debi na accionnan di maneho fuerte, turismo, e pilar economico di Aruba a ‘rebound’ rapidamente, sector bancario a wanta e recesion bon y desempleo a baha significantemente”.

Prome Minister Mike Eman ta bisa cu Comerciantenan tin di probecha di e posicion strategico di e islanan Hulandes”

Publication: Monday, 29 April 2013. Categoria: General

ORANJESTAD(AAN): “Lamentablemente nan tabata den e sector comercial ekiboca pero nan tabata sa perfectamente cu ta hopi bentahoso di por dispone di un brug pa haci negoshi cu un otro continente. E concepto Gateway Aruba en principio no ta nada otro cu e re-descubrimento di un modelo cu den practica ya a demostra di ta exitoso. Si nos uza e mesun concepto ey na aña 2013 bon den negoshinan, anto tur hende ta sali gana: tanto e empresanan Hulandes, e economia Hulandes como Aruba. Un ‘win-win situation’ total.”

   Na palabra Prome Minister Mike Eman. Motibo di e expresion aki ta e conferencia internacional ‘Europe meets the Americas’ di cual Aruba ta e pais anfitrion for di dia 5 te cu dia 8 di mei y cu ta worde organiza en cooperacion cu ministerio Hulandes di Asuntonan Economico.

A base di dialogo gobierno y Raoul Henriquez a yega na un entendimento

Publication: Monday, 29 April 2013. Categoria: General

Minister Benny Sevinger:

ORANJESTAD (AAN) – Minister di Infrastructura Benny Sevinger, den entrevista cu Matutino DIARIO a referi na e Caso cu Raoul Henriquez a entama contra gobierno, y kico a para cu e proceso aki.

E dignatario a menciona cu segun’e e caso no ta bay sigui pasobra un siman pasa el a reuni cu señor Henriquez, y nan a combersa tocante diferente punto di diferencia, y por a sali for di esakinan pa medio di dialogo, manera gobierno semper ta haci.

Minister Sevinger a duna di conoce cu nan a yega na un entendimento na mesa y na su opinion ni señor Henriquez ni gobierno lo no tin problema pa cumpli y ambos por sigui cu nan proyectonan.

Sindicato Seppa na ocasion di Dia di Trahador 1 di Mei

Publication: Monday, 29 April 2013. Categoria: General

 ORANJESTAD(AAN): Rond mundo e movimiento sindical ta celebra 1 mei na memoria di tur esnan cu a perde nan bida den e Masacre di Haymarket di 1886 na occasion di e lucha pa e dia di trabao di 8 ora. Awendia cu e pretexto di e crisis economico y financiero, e forzanan neo-liberal di henter mundo ta ta dicidido na elimina e derechonan di trahadornan na un negociacion colectivo y esaki a bin ta costando derechonan social y laboral.

   Trahadornan rond mundo ta uni forza pa contraaresta e ola di medidanan cu a bin ta worde utiliza pa aumenta privatizacion, reduci e tamaño y e papel di estado, para o kibra negocacion den sector publico.

   Nos no por acepta un futuro cu ta ofrece trabaonan precario y sigur pa esaki no bira un norma.

Minister de Meza “IMF ta bisa cu e direccion cu nos ta bayendo ta esun corecto”

Publication: Monday, 29 April 2013. Categoria: Politica

ORANJESTAD(AAN): Minister di Finanza Mike de Meza ta satisfecho cu e rapport di IMF. Esaki pasobra cu e institucion renombra ta reconoce e bon trabao di Gabinete Mike Eman y ta bisa esaki di e siguiente forma ‘the overall economic recovery is progressing gradually and output is still 12 percent below its pre-crisis level…”.

    De Meza ta bisa cu esaki ta indica cu economia ta 12% bou di 2008. “Awe nos ta den un economia cu ta 12% mas abou cu 2008. Esaki kier men menos entrada pa gobierno y asina mes un cantidad grandi di inversion ta worde haci, un cantidad di trabao ta worde ehecuta y tur hende por wak con miho e pais aki ta para awe. Imagina boso cu si e Gabinete aki tabata na mando si e crisis aki no a tuma lugar con cos lo tabata. Mucho mas cos nos por a haci cu loke nos a haci awe na beneficionan, na mehoracion di school y barionan. Na nos infrastructura y asina por sigui”.

“IMF ta bisa pa sigui baha gasto y sigui aumenta entrada di gobierno”

Publication: Monday, 29 April 2013. Categoria: General

Minister de Meza

ORANJESTAD(AAN): Diabierna ultimo Gabinete Mike Eman a tene un conferencia di prensa pa relata riba e rapport preliminario di IMF. IMF tabata na Aruba un par di dia pa investiga e situacion economico financiero. Nan conclusion ta cu Aruba a sobrepasa dos crisis financiero grandi, a traha duro, pero cu tin mucho mas pa haci.

   Minister de Meza a splica cu IMF ta bisa pa sigui mantene e direccion cu ta bayendo te awor pa loke ta economia. Sigui engrandece turismo. Sigui traha riba e inversionnan cu Gabinete Mike Eman ta trahando riba nan. “Di otro banda IMF ta bisa tambe pa wak con por sigui controla gastonan di gobierno y unda por baha nan mas tanto posibel. Tambe traha riba un pakete pa por garantisa mas entrada pa gobierno riba un base amplio.

Hopi atencion pa e grabacion di gradicimento di Aruba Tourism Authority

Publication: Monday, 29 April 2013. Categoria: General

ATA y pueblo ta gradici Su Mahestad

ORANJESTAD (AAN): Manera ya ta conoci caba, Aruba Tourism Authority a ricibi un reconocimento di un Oranje Strik pa cu nan iniciativa original di graba un mensahe di gratitud cu mas cu 500 mensahe pa Reina Beatrix.

   Durante e mensahe cu ta dura aproximadamente un ora largo, diferente persona di tur edad di varios instancianan por a expresa nan gratitud na un manera espontaneo pa gradici Su Mahestad pa tur e añanan cu e tabata nos Reina y su añanan di dedicacion y alavez yama un bonbini na e futuro Rey.

   E produccion aki ta un regalo di Aruba Tourism Authority y e pueblo di Aruba pa su Mahestad, asina gradiciendo Reina Beatrix cual porcierto semper ta masha encanta cu Aruba ora e bishita nos isla, sea pa trabao of pa pasa vacacion.

Embahador Rade di Reino na Brazil “Ami sigur ta participa na e conferencia”

Publication: Monday, 29 April 2013. Categoria: General

‘Europe meets the Americas’

ORANJESTAD(AAN): Di dia 5 te cu 8 di mei e conferencia Europe meets the Americas ta worde teni na Aruba. Mas di 270 empresario di Hulanda, Europa, Latino y Centro America y region Caribense ta topa otro na Aruba, na unda ta duna e rol di hub mas contenido. E mision di Reino mester haya su continuacion.

“Ami sigur ta na Aruba na luna di mei, hunto cu dos consul general”, asina embahador Kees Rade a bisa desde su post na Brasilia.

   “Nos ta hopi interesa den e conferencia ‘Europe meets the Americas’. Mi ta sigur cu e conferencia ta duna nos un bon bista di e concepto Gateway Aruba y con mester duna contenido concreto na ne. Tambe kico nos rol ta bay ta den esaki. Al final de cuenta nos ta un embahada y t’ey tambe pa Aruba, por ehempel door di hiba e mensahe kico e concepto di gateway ta encera exactamente, pero tambe pa haci contactonan.

Obituario Dialuna 29 April 2013

Publication: Monday, 29 April 2013. Categoria: Obituario

Deporte Local

Publication: Monday, 29 April 2013. Categoria: Deporte

Cumpleaños Dialuna 29 April 2013

Publication: Monday, 29 April 2013. Categoria: Cumpleaños

😀 😀 😀 😀 😀 😀 😀 😀 😀 😀

Awe 29 April….Nos ta kanta Happy B-Day pe Best Boyfriend y e best friend ever…
Esta pa Dermyd Arends aka “Guyito”. 

Pabiennnnn y makuto di sunchi y brasa ta bin di partiiii suuu Mammmehhh ku stim’e un mundu… y su family…y sin lubida suuu Friends Marvin y Nikitaaaaa…

Babe,nos ta spera bo enjoy bo day 2 the max!!One love..

😀 😀 😀 😀 😀 😀 😀 😀 😀 😀