Home Politica Analisis politico

Analisis politico

0
0
SHARE
- Advertisement -

Uitroep teken!

Antayera durante e reunion di Staten tabata bisto con e relacionnan entre e politiconan di MEP ta bayendo. Ministro Benny Sevinger a lesa e famoso carta cu e MEPnan cu a core cu Booshi a traha hunto cu e comentario cu Booshi a pone tras di tur e puntonan.

   E harimento den Staten tabata e uitroep teken cu Booshi a pone tras di su comentarionan ariba e puntonan den e carta.   Booshi Wever ta haciendo todo por todo pa bay back den MEP pasobra e ta conciente cu e doñonan di MEP no ta bay lage lanta su partido di berdad.

   E mes tampoco no ta kere den su propio partido. Pesey nos a mira con e ta bringa pa ta mas MEP cu tur e miembronan di Staten di MEP hunto y esey tabata hasta comico durante e reunion di parlamento. E miembronan di AVP a haci bofon di Booshi cu aunke e a worde geschop na mal orden for di MEP ainda tur dia e ta mas MEP cu tur e miembronan di Staten di MEP mes. E miembronan di AVP a bin cu e carta cu e 20 puntonan cu Evelynnan a traha contra di Booshi splicando den e carta aki pakico Booshi no por bira lider di MEP. E carta aki tabata fatal pa Booshi y e a pone Booshi su fuse bula.

   Ora el a ricibi e carta aki su cabez a rementa y e a comenta cada un di e puntonan cu nan a usa pa sigura cu otronan den MEP no bay cu Booshi. Den Staten tabata bisto cu ni maske cuanto e miembronan di MEP tabata mustra con e pelea a bay den MEP y cuanto berguenza Booshi mester a pasa y ta pasando Booshi mes no a reacciona ningun rato contra Evelyn y otronan den MEP cu a skirbi e carta aki.

   Tampoco Evelyn a reacciona ariba e bofon cu e AVP nan tabata haci di Evelyn y Booshi loke ta un signal cu ya caba nan a yega na e conclusion cu maske cuanto rabia nan tin ariba otro nan a realiza cu si  Booshi bin cu su propio lista 99% di e votonan cu e lo haya ta bin directamente di MEP y e lo no logra un asiento pa join MEP. Si e doñonan di MEP dicidi di manda Booshi cas tambe un percentahe halto di e votonan cu Booshi a haya eleccion pasa lo no vota pa MEP mas. Esaki kier meen cu si nan gusta of no Booshi mester bay ariba lista di MEP pa purba di scapa lo maximo pa MEP.

   Pesey e tabata asina comico pa mira con e dosnan Evelyn y Booshi tabata wanta e bofon cu e AVPnan tabata haci di nan.  No cu tur esaki ta bay haci hopi diferencia den proximo eleccion pero e ta importante pa tur hende wak con e situacion den MEP ta y cuanto nan lo mester sacrifica pa nan por entrega un lista cu un paar di nan cu a worde cori eleccion pasa ta worde roga pa bin back y un Booshi cu despues di eleccion a worde expulsa for di MEP awo ta worde busca back pasobra no tin miho.

   Evelyn a mustra bon cla un biaha mas cu e a bira pio cu e bieunan den MEP y ta worde dirigi directo door di su tata. Ningun momento e a mustra cu e ta desaproba e politica cu a worde hiba door di MEP dunando miyones di Florin di pueblo directamente na tata, ruman, tanta, omo,primo y primanan. Al contrario henter su actitud ta un di ta di acuerdo cu e corupcion masal cu a tuma luga. Den tur e decadencia di MEP e pregunta grandi a  keda den e asunto di traha un lista ta unda Nel Oduber ta.

   Ningun caminda den MEP no a mira Nel Oduber ultimo tempo mas. Aki tin un problema cu pa esnan para pafo ta humoristico pero pa nan mes ta sumamente tristo. Si berdaderamente a intensifica un pelea entre e doñonan di MEP y Nel Oduber fin di MEP ta yegando. Probablemente Nel Oduber a exigi di e doñonan di MEP cu su yiu mester bin number dos ariba lista y si nan no kier por bien ta cu Nel ta retira di berdad for di politica y lo no duna MEP e sosten asina necesario den proximo campaña.

   Ta mustra cu Nel a harta di e trato cu e doñonan di MEP ta dunando e y cu su buchi a yena. Ainda ningun hende pafo di top di MEP sa con leu e pleitamento ta pero si tur hende a mira cu esnan cu Nel a saca for di partido manera Marlon Werleman ta worde busca back. Hasta ta parce cu Booshi lo bin back y nada ainda di yiu di Nel Oduber den presentacion di candidatonan nobo.

- Advertisement -

DUNA COMENTARIO

Please enter your comment!
Please enter your name here