Home Politica Analisis politico

Analisis politico

0
0
SHARE
- Advertisement -

Caida di MEP

ORANJESTAD (AAN): De facto tin dos partido na Aruba awo AVP y MEP uno grandi y un chikito. Esun partido cu tin un asiento ta mustra tur dia cu e no sa unda bay y mayoria bez ta cana tras di su partido di antes MEP sin cu e mes tin un opinion serio ariba mayoria topico.

   E mester bringa duro pa mantene esun asiento cu e tin. Pa hopi tempo AVP y MEP ta bataya contra otro cu resultado cu un eleccion AVP ta  mas grandi y otro eleccion MEP ta mas grandi pero semper tabatin un lucha serio contra otro. Esey a bay. MEP no ta e partido mas cu e tabata y ta parce cu ta bay tuma hopi tempo pa e partido aki recupera si e recupera pasobra pa basta tempo caba e ta bay den mesun direccion cu PPA.

   E problema di MEP ta uno masha profundo y hopi dificil pa drecha. Na prome luga no tin hende pa carga e partido mas. Ni kico Evelyne haci pa e eleccion di September e lo no haya candidato cu por cambia e caida dramatico cu MEP ta aden. Durante e añanan cu a pasa despues di e disaster di eleccion pasa tabatin un pelea interno cu a kibra e partido severamente.

   E candidatonan di mas peso den partido a bay sea cori of bay di nan mes pasobra nan a harta di e pleitamento ordinario cu ta continua tur dia. Nos a yega di pone tur e votonan cu a bay ariba un rij pa yega na e conclusion cu mas cu mita di e votonan di MEP a bay. Loke a resta no tin e forza ni e capacidad pa lanta e partido atrobe.

  Di e manera aki e partido a yega den un spiral cu ta bay abao y cu no tin nada pa pare pasobra e unico forza cu lo por para e caida aki ta un lider fuerte cu tin credibilidad. Esey no ta Evelyne. E no ta Evelyne pa varios motibo cu nos ta keda ripiti y por ta cu un dia for di MEP mes ta bin hende cu lo cuminza actua contra Evelyne ora nan bira conciente cu Evelyne ta bira e downfall total di MEP. Un biaha mas e factornan mas importante den esaki. Evelyne Wever Croes ta yiu muhe di Hendrik Croes. Tur hende na Aruba sa cuanto contrato miyonario a bay pa tata, ruman, omo, tanta, primo y primanan.

   E hecho cu nunca Evelyne no a distancia su mes di e politica aki  kier meen e conclusion ta cu e ta acorda e politica aki y ta di spera si mayan e ta den gobierno e mesun corupcion lo sigui.  E otro punto cu lo tin un efecto hopi negativo pa MEP den proiximo eleccion ta e manera cu Evelyne a bira lider di partido. Esaki nunca a worde splica y esaki pa e simpel motibo cu ta un locura a tuma luga den MEP. Marisol Lopez Tromp cu hopi mas voto y experiencia cu Evelyne tabata e candiadato pa bira lider di partido.

   E a worde cori cu argumentonan ridiculo. Marisol a vota pa e leynan cu a kita privilegionan grandi for di e politiconan mientras cu partido a dicidi cu mester vota contra e leynan aki. Evelyn tampoco a obedece disiplina di partido y core for di sala di Staten y no a vota.

   E por a keda y Marisol mester a worde cori. Despues e tragedia di Booshi a sigui cu a termina cu Booshi tambe a worde cori for di partido y Evelyne a sinta como lider. Evelyne no tin manera pa splica esaki na mayoria di e dirigentenan  di MEP mes. Loke ta aumenta e fayonan di Evelyne ta cu e no tin ningun programa di partido ni propio ideanan pa futuro di nos pais y pesey e mester cada rato busca mentiranan pa keda den publicidad cu tambe a cuminza haci daño grandi na su imagen.

   E ultimo tabata ayera cu e a bin cu mentiranan cu gobierno a stop tur promocion di ambtenaar. Mentiranan cu dentro di algun minuut cu e a lanza nan nan ta worde contradceci cu hechonan. Esaki nan hunto ta e chumbo cu ta colga na garganta di Evelyne y e no por deshaci di nan y esaki ta  ta pone cu e caida di MEP ta aumentando velocidad.

- Advertisement -

DUNA COMENTARIO

Please enter your comment!
Please enter your name here