Home Politica E simpel parlamentario mester a hala atencion di lider di Mep pa...

E simpel parlamentario mester a hala atencion di lider di Mep pa su vocabulario sin respet den parlamento

1
0
SHARE
- Advertisement -

ORANJESTAD (AAN): Dialuna cu a pasa parlamento a trata den reunion publico e protocol cu gobierno di Aruba a firma cu Hulanda diahuebs santo ultimo.

   Durante disertacion di Clarisca Velasquez cada vez e tabata worde interumpi pa e lider di Mep cual tabata usa e palabranan “baha carson”.

   Dado momento e simpel parlamentario a hanje obliga ta pidi presidente di parlamento pa stop e sra aki Evelin Wever Croes di usa e palabranan aki pasobra el a considera nan sin respet y no apropia.

   Sra Evelin a ripiti e palabranan aki como 3 biaha. E simpel parlamentario aki a haya cu e palabranan aki no ta apto pa usa nan den parlamento den e contexto cu e señora aki kiermeen y e ta masha mahos pa un lider ta usa e palabranan ey.

   E no ta apropia ni na su lugar pa usa e palabranan ey den parlamento. Aunke Clarisca a worde cataloga pa un simpel parlamentario pa e lider di Mep toch el a hanje obliga ta hala atencion di e lider di Mep cu no sa con pa papia den parlamento.

   El a haya cu e palabranan ey no ta apto y for di lugar pa usa e palabranan ey den parlamento!

   Hopi biaha e lider di Mep ta papia cu mester hisa e nivel den parlamento pero ora berdad worde bisa e ta hacie hopi dolor y e ta rabia y su comportacion y vocabulario ta bay for di man!

   For di seno di Mep semper ta critica e simpel parlamentario di ta falta respet usando palabranan manera sla ta cay of appel putri pero no por compara e palabranan mahos cu nan lider Sra Evelin Wever Croes a usa a pasa tur limite di respet. Ta mihor nan duna nan lider un curso con pa comporta su mes como lider y con un lider mester papia den parlamento!

- Advertisement -

DUNA COMENTARIO

Please enter your comment!
Please enter your name here