Home General Expo Beauty & Health 2013, dos biaha mas grandi cu aña pasa

Expo Beauty & Health 2013, dos biaha mas grandi cu aña pasa

0
0
SHARE
- Advertisement -

Pa tres dia fin di e luna aki

ORANJESTAD (AAN): Durante un conferencia di prensa convoca Diamars na Renaissance Conference Center, a splica cu un biaha mas Multi Media International ta organiza Expo Beauty & Health riba dianan 26, 27 & 28 di April na Renaissance Convention Center. Pa diferente productonan di salud, beyesa, fitness, baha peso, come saludabel, tip pa makiyahe, moda y lingerie pasa bishita Expo Beauty & Health.

   Descubri formanan con pa resalta e beyesa femenino y masculino den tur aspecto.

  Diabierna 26 di April ta habri e Expo cu un fabuloso evento di Red Carpet. Entrada pa e anochi aki ta 100 Florin pa pareha incluyendo 2 bebida di bon bini. Ademas tin e oportunidad pa gana un iPad Mini.

Entre 5’or di atardi pa 10’or di anochi bo por tin e privilegio di ta entre e prome nan pa wak tur loke e expositornan ta bin cun’e.

  Diasabra y diadomingo Expo Beauty & Health lo habri su porta pa publico for di 12’or di merdia pa 8’or di anochi. Ambos dia lo ta yena di sorpresa, presentacion y promocion special pa comparti cu tur e bishitantenan. Entrada ta solamente AWG 7,50 cu chens di gana AWG. 2.500,- na gift certificates.

  Tur loke bo mester sa pa mustra y sinti bon lo ta bao un solo dak durante tres dia den Expo Beauty & Health. For di e desaroyo sano den bariga di mama te na e prevencion di señalnan di edad, beyesa y salud ta un tema diario den nos bida.

Sea cu aspecto fisico ta importante of cu e bienestar mental y spiritual ta primordial pa bo, Expo Beauty & Health 2013 ta un bishita recomenda. Dianan 26, 27 y 28 di April proximo organizacion, experto y marcanan renombra lo ta banda di otro pa asina comparti nan informacion y productonan cu bo cuido di paden y di pafo, un proceso hopi mas facil y satisfactorio.

   Hoben bou di 16 aña por worde admiti solamente si ta acompaña pa su mayor of representante debi cu tin tema cu no ta apto pa mucha. No ta permiti stroller den e Renaissance Convention Center pa motibo di seguridad.

   Registra riba nos website www.expobeautyandhealth.com pa asina ricibi bo entrada pa dia 27 y 28 di April pa solamente Afl. 5,-.

   Sr. Brown di Multi Media International a puntra encarecidamente pa bishita www.facebook.com/ExpoBeauty, Like y/o comparti bo opinion.

   Esaki ta duna bo e oportunidad pa gana un VIP RED CARPET TICKET pa dos persona. Ganadornan lo worde anuncia tur dia via nos pagina di facebook.

  Carchi ta obtenibel cerca e participantenan di Miss Teen y na Multi Media International situa na Ponton 44-B, Tel: 583-9039.

- Advertisement -

DUNA COMENTARIO

Please enter your comment!
Please enter your name here