Home Politica Gobierno di MEP cu plannan serio pa subi BBO pa 6%

Gobierno di MEP cu plannan serio pa subi BBO pa 6%

3
0
SHARE
- Advertisement -

Documentonan ta mustra cla y raspa cu:

ORANJESTAD(AAN): Documentonan a aparece cu ta proba cu gabinete anterior di partido MEP tabata tin intencionnan serio pa subi BBO for id 3% pa 6%. Esaki tabata e caso tempo cu gabinete Oduber IV tabata trahando riba presupuesto pa 2010 y e documentonan particular aki ta data di 15 di juni 2009.

   Mei mei di un crisis mundial, nan unico manera pa saca nan curpa tabata pa pasa e cuenta pa e pueblo di Aruba. MEP tabata buscando pa via medida recauda no menos di 263,7 miyon Florin pa nan por completa nan presupuesto.

   Den e documentonan cu a logra compila, di mei mei di aña 2009, ta mustra, “zoals hieruit blijkt dient Afl. 263,7 miljoen doorgevoerd te worden,” y esaki nan tabata buscando door di “verhogende maatregelen.” Si tuma na cuenta cu 1% di BBO ta igual na 86 miyon Florin, e calculacionnan ta hopi facil pa mustra cu e “verhogende maatregelen” ta ekivalente na un aumento di 3.06% na BBO. Esaki ta adicional na e 3% di BBO cu e tempo ey tabata vigente ainda.

   Adicional na esaki e mesun documentonan ta papia di, “met de implementatie van (de derde fase van) de nieuwe pensionregeling is voralsnog geen rekening gehouden.” E ultimo aki tabata algo cu mester a soluciona hopi urgente y hopi aña prome caba.

   Sin un solucion structural y lihe, APFA tabata tin un futuro hopi scur su dilanti. Y tabata hopi cla cu no tabata tin nada premira pa soluciona e problema serio di APFA. A tira culpa riba un y tur, pero nunca a haci algo pa soluciona e situacion, ni riba termino cortico ni largo.

   Contrario na Gabinete Mike Eman, cu a demostra cu ora bo baha e peso for di pueblo su lomba, economia ta duna frutonan positivo, gobierno di MEP a demostra cada biaha cu nan manera di resolve problemanan financiero di pais Aruba ta pa impone medida.

   Ta mustra tambe cu e lider di MEP actual tambe tin hopi afinidad pa e tipo di ‘solucionnan’ aki.

- Advertisement -

DUNA COMENTARIO

Please enter your comment!
Please enter your name here