Home General Intimidacion ta sigui den DOW contra trahadornan y esey por trece mas...

Intimidacion ta sigui den DOW contra trahadornan y esey por trece mas accion

1
0
SHARE
- Advertisement -

Presidente STA, Diego de Cuba:

ORANJESTAD (AAN) – Den entrevista cu Matutino DIARIO, señor Diego de Cuba, presidente di sindicato STA, a puntre di con e trahadornan di DOW a protesta prome cu un reunion cu tabata programa caba cu e director.

Señor de Cuba a comenta cu locual cu a pasa ta cu e reunion cu STA a wordo concede prome cu e reunion cu e trahadornan y ora e sindicato a sinta cu e trahadornan aki e anochi prome “e macuto a habri y tur e puitonan a sali”.

Presidente di STA a subraya cu nan no a bay den accion, sino den un protesta of muestra di malcontento, pasobra un accion lo a tuma henter dia.

El a acentua cu e sindicato a respeta locual e trahadornan a dicidi e momento ey, mirando cu nan tin razon y e dolor cu nan ta pasando aden, y nan tin cu sostene nan totalmente.

Riba e peticion cu señor Figaroa a haci, e sindicato a contesta positivamente, y a indica cu e demostracion a wordo haci y e trahadornan por a alivia nan mes un tiki y por a expresa nan mes di e dolornan cu nan ta pasando aden pa añanan caba, y pa 8.30’ or di mainta tur hende a reanuda nan labora normalmente.

Señor de Cuba ta na haltura cu intimidacion contra e trahadornan tog ta sigui. Tin hende den DOW cu ta haci esaki manera nan ta haya ta bon, y STA ta bay scucha di e trahadornan kico realmente ta pasando na pia di trabao, y si ta asina mes, por spera cu nan ta bay tuma mas accion.

E sindicato ta indica cu of e personanan cu ta intimida e trahadornan ta hala for di eynan, of ta bin accion.

- Advertisement -

DUNA COMENTARIO

Please enter your comment!
Please enter your name here