Home General Ling & Sons ta Gana Premio “IGA Retailer of the Year 2013”...

Ling & Sons ta Gana Premio “IGA Retailer of the Year 2013” pa Caribe

4
0
SHARE
- Advertisement -

ORANJESTAD   (AAN):   Esaki ta un berdadero coronocacion di un esfuerso cu a tuma hopi dedicacion di famia Ling y nan trahadornan durante mas di 6 decada. Tabata na luna di maart cu Clifton Ling a ricibi e notificacion cu Ling & Sons IGA Supercenter a ser nomina pa e premio “IGA Retailer of the Year 2013” pa e region di Caribe.

    E otorgamento di e premio a tuma lugar dia 15 di april na Chicago, Illinois,Estados Unidos durante e “Award of Exellence Banquet” den cual e ganadornan di e premio a ser honra. Clifton Ling a ricibi e premio na nomber di Ling & Sons IGA Supercenter NV. y el a ser acompaña pa su sra. Ingrid, su ruman muhernan Yolanda, Rose y Lily y, tambe pa asociadonan fiel di hopi aña Dora y Cornelia.

   Tambe ariba e escenario por distingui directornan de AGFLA cu alaves ta distribuidor di productonan IGA na estado Florida y e directornan di IGA Chicago,cu ta Dr. Tom Haggai y Mark Betanic.

    Durante e 65 añanan e famia a maneha e supermercado. Nan a conoce hopi reto y oportunidad cual nan converti den inovacion. For di un tienda cu ta bende estilo grocery pa selfservice te pa awe un Supercenter automatisa cu ta cumpli cu e criterianan mas halto di calidad.

 

- Advertisement -

DUNA COMENTARIO

Please enter your comment!
Please enter your name here