Home Politica Minister de Meza “IMF ta bisa cu e direccion cu nos ta...

Minister de Meza “IMF ta bisa cu e direccion cu nos ta bayendo ta esun corecto”

1
0
SHARE
- Advertisement -

ORANJESTAD(AAN): Minister di Finanza Mike de Meza ta satisfecho cu e rapport di IMF. Esaki pasobra cu e institucion renombra ta reconoce e bon trabao di Gabinete Mike Eman y ta bisa esaki di e siguiente forma ‘the overall economic recovery is progressing gradually and output is still 12 percent below its pre-crisis level…”.

    De Meza ta bisa cu esaki ta indica cu economia ta 12% bou di 2008. “Awe nos ta den un economia cu ta 12% mas abou cu 2008. Esaki kier men menos entrada pa gobierno y asina mes un cantidad grandi di inversion ta worde haci, un cantidad di trabao ta worde ehecuta y tur hende por wak con miho e pais aki ta para awe. Imagina boso cu si e Gabinete aki tabata na mando si e crisis aki no a tuma lugar con cos lo tabata. Mucho mas cos nos por a haci cu loke nos a haci awe na beneficionan, na mehoracion di school y barionan. Na nos infrastructura y asina por sigui”.

   De Meza ta bisa cu IMF ta papia di diferente indicatornan y ta recomenda pa keda consolida. “Keda traha riba bo economia. E direccion cu nos ta bayendo ta esun corecto. No lubida cu nos a bin haya e pais aki den un situacion deplorabel. Nos a cana e caminda di balansa e economia di Aruba, trece nos turismo riba un plano mas halto. Desempleo a baha drasticamente. Inversionnan ta tuma lugar. Nos tin un cuadro financiero cu tur aña ta mustra cu tur aña nos ta baha e deficit cu 75 miyon pa na 2016 nos tin un balanced budget. Nos tin plannan ambicioso y nos ta cumpli cu nan”.

- Advertisement -

DUNA COMENTARIO

Please enter your comment!
Please enter your name here