Home Politica Evelyn Wever y Booshi Wever riba un liña ora ta trata di...

Evelyn Wever y Booshi Wever riba un liña ora ta trata di relacionnan den Reino Hulandes

2
0
SHARE
- Advertisement -

Dos Bonchi di e mesun Baliña?

Hecho ta conta mas cu palabra

ORANJESTAD  (AAN):    Booshi Wever ta papia abiertamente di Independencia, pero Evelyn Wever no ta mustra su intencionnan mucho directo. Palabranan tin menos balor cu echonan. Cu Booshi Wever no a presenta pa e ceremonianan na Amsterdam Hulanda relaciona cu Reino Hulandes a conoce un Rey nobo, no ta nada nobo. Pero cu di un dia pa otro, lider di partido MEP a dicidi di no bay duna su aprobacion, ta bisa hopi di e lider ‘nobo’ di MEP.

    Evelyn Wever y Booshi Wever ta sali for di mesun hala den MEP, esun cu no ta wak mucho positivo na un bon relacion den Reino. Algun tempo atras, Sra. Evelyn Wever a purba, cu palabranan, splica cu e no ta contra Reino Hulandes.

Awo e prome oportunidad cu e ta haya pa pone hecho tras di su palabranan, e ta demostra cu hecho, cu e como lider di MEP no tin e minimo interes den un mehoracion di relacionnan den Reino.

    MEP Semper a demostra menosprecio pa e idea di un bon relacion cu Reino Hulandes ta den interes di Aruba henter. Nel Oduber a demostra esaki y awo lider ‘nobo’ di MEP tambe ta demostrando esaki. Por ta e no kier a ‘leg eed af’ dilanti Rey Willem-Alexander? Si e bisa un dia cu e ta pro bon relacion cu Reino Hulandes y e dia despues e ta nenga di bay duna muestra di e interes y bon boluntad pa cu Reino Hulandes, ta bisa hopi di un lider asina. Sea e ta independista of e ta simplemente un lider zwak cu no por cu presion di esnan anti-Reino Hulandes den su partido.

   Na Spaño tin un proverbio cu ta bisa: “Un hecho vale mas que mil palabras.” Cu e lider por saca su curpa afo cu mas di mil palabra ta keda pa wak, pero echo ta cu Parlamentarionan di Aruba, tanto di oposicion y cu ta sostene gobierno ta mira e balor agrega di Reino Hulandes pa Aruba, cu excepcion di Booshi Wever y Evelyn Wever!

- Advertisement -

DUNA COMENTARIO

Please enter your comment!
Please enter your name here