Home Politica Parlamentario Arondino Croes ta condena cu pensionadonan mester mendiga pa haya nan...

Parlamentario Arondino Croes ta condena cu pensionadonan mester mendiga pa haya nan placa

0
0
SHARE
- Advertisement -

ORANJESTAD    (AAN):   Actualmente Parlamentario Arondino Croes ta bishitando cas pa cas den barionan. Den esaki Parlamentario Arondino Croes a encontra un problema grandi esta cu pensionadonan no a haya nan placa di pensioen ainda of a hayele mita of un tercera parti.

    Den e grupo di pensionadonan tin hopi pensionado femenino. Segun Parlamentario Arondino  Croes e forma di pone e pensionadonan mendiga pa haya nan plaka ta di condena. Nos grandinan a traha duro pa nos pais progresa y pa nan mes tin un sosten financiero ora di yega edad avansa.

    Parlamentario Arondino Croes ta lamenta cu e fayo di pago na pensionadonan ta sucede den un era unda nos ta mira gobierno ta gasta miyones den proyectonan manera Wubo Ockels, Al Gore, tambe viahamento y conferencianan grandi.

   Parlamentario Arondino Croes ta contento cu lider di partido mr. Evelyn Wever Croes a declara cu asina MEP drenta gobierno lo kita belasting for di pensioen di viehez. Te ainda e pensioen di viehez ta belastbaar.

     Prome Minister Mike Eman ta compronde esaki y hasta Prome Ministro tin un acuerdo den Dialogo Social. Loque Parlamentario Arondino Croes si no ta compronde ta pa kiko ta warda tanto. Partido MEP a haci entrega na Parlamento di un proposicion di ley al caso. Lo unico cu falta ta e corahe pa accion di berdad.

    Manera cos ta bayendo ta MEP mes tin cu haci e trabao y lider di MEP a declara cu esaki lo ta un prioridad asina cu MEP drenta gobierno. Lider di partido como ser femenino sigur ta compronde e dolornan cu e fayo di pago di pensioen di viehez ta causa y MEP lo bin cu un vision nobo pa cu pensionadonan. Pesey mes segun Parlamentario Arondino Croes ta importante pa pueblo apoya partido MEP y e vision nobo pa cu pensionadonan.

- Advertisement -

DUNA COMENTARIO

Please enter your comment!
Please enter your name here