Archivo di June, 2013

Despedida di “Happy Hour” pa Gina

Publication: Saturday, 29 June 2013. Categoria: General

ORANJESTAD(AAN)– Ayera a tuma lugar despedida di Gina Kock, na Olive Tree Funeral home na Cumana. Manera Gina a planea su despedida den ambiente di Happy Hour esaki a tuma lugar y cune sinta den sala bisti na geel, cu su rosa cora den man, rondona pa tur esnan cu a bin despedida di dje. Ta prome biaha na Aruba cu un despedida na e forma aki a tuma lugar. Cu Gina sosega na paz.

Dialogo Social a trata tema di Husticia y Seguridad

Publication: Saturday, 29 June 2013. Categoria: General

Premier mr. Mike Eman:

ORANJESTAD (AAN) – Matutino DIARIO a acerca Prome Minister mr. Mike Eman, relaciona cu e continuidad di Dialogo Social, unda cu e organizacionnan concerni a reuni e siman aki pa trata e tema “Husticia y Seguridad”.

Premier Eman a menciona cu tabata tin hopi reunion tocante e tema aki, y na dado momento despues di a acumula cierto datonan di e partnernan, y esnan cu ta encarga cu husticia den nos pais, a pidi algun experto riba e tereno aki pa produci un documento riba kico nan ta aconseha cual ta e mehor pasonan pa tuma pa futuro, pa sigui fortalece e seguridad di nos pais, y crea tambe formanan nobo di seguridad y cooperacion, entre e entidadnan manera Douane, Imigracion, Ministerio Publico y Polis, cu ta traha riba e tereno aki.

Corte Comun Mester Di Mas Placa Pero Ministro No Tin

Publication: Saturday, 29 June 2013. Categoria: General

esaki por afecta corte na Aruba tambe

ORANJESTAD(AAN)– Informacion for di Corsou ta menciona cu Corte di Husticia mester di mas placa, pero Minister di husticia Nelson Navarro no por yuda nan cu esey. Un di e puntonan di agenda cu mas a resalta durante e reunion di ministernan di Reino tabata entre otro e rol di Corte Comun di Husticia y e cantidad di placa extra cu esaki tin mester pa e funciona. Segun calculacionnan, si actualmente Corte ta operando cu un presupuesto di 12.5 miyon florin, nan ta haya cu lo bay tin mester di 1.4 miyon mas pa yega 13.9 miyon.

Pero segun sr. Navarro, di parti di Corsou a trece dilanti cu maske tin mas cent a ser pidi pa atende cu Corte Comun, pero n’e momentonan aki simplemente e no por cumpli cu e parti ey. No tin e cent ey riba presupuesto 2013.

Hopi mama hoben no tin informacion corecto kico pa haci

Publication: Saturday, 29 June 2013. Categoria: General

Monique Giel di WGK:

ORANJESTAD    (AAN):  Monique Giel Labad ta tiener moeder consulent di Wit Gele Kruis. E tambe a hiba palabra y splica cu WGK ta registra tur mama hoben y ta bishita mamanan hoben cu ta haya yiu. Aki bo ta topa cu e problemanan cu mas ta bin dilanti. Tin mama cu no tin informacion corecto kico pa haci. Pesey e pakete cu e dos studiantenan hulandes a haci den nan proyecto ta hopi bon.

     E studiantenan a busca informacion na scolnan y tambe na cas unda a saca afor e necesidad di e temanan. E parti di norma y balornan, respet cu cambionan di curpa ta algo cu a resalta. A conclui cu for di trempan cu ora e studiantenan ta den casonan e decision cu nan tuma mester ta uno corecto.  Tur aña e scolnan ta acerca Wit Gele Kruis riba e tema di embarazo hubenil.

Hopi hoben kier sa mas tocante sexualidad

Publication: Saturday, 29 June 2013. Categoria: General

 pero e mayornan mes no ta habri pa papia cu nan

ORANJESTAD   (AAN):   Roelien van Kemenade y tambe Lisa van Zeeland a haci e proyecto pa Wit Gele Kruis. Nan ta e studiante cu a bin di Hulanda. Roelien van Kemenade a splica con sano ta pa duna informacion encuanto e educacion riba e seguridad na scol den tur su aspecto.

   Tin motibo di con nan a drenta e scolnan. E combersacion cu nan a hiba tocante e tema tabata hopi positivo y tabata mira e necesidad pa papia di educacion na scol riba sexualidad. E problemanan cu a topa entre e hobennan ta diferente.

Tayer di trabao tocante HIV-AIDS y otro malesanan contagioso tumando lugar

Publication: Saturday, 29 June 2013. Categoria: General

Sra. Arnalda Ells ta relata:

ORANJESTAD (AAN) – Matutino DIARIO a entrevista señora Arnalda Ells, funcionario di Departamento di Salubridad Publico, Seccion di Malesanan Contagioso, kende ultimo temponan ta encarga cu e secretariat di HIV-Aids.

Sra. Ells a duna nos informacion tocante e tayer di trabao cu nan tin, unda cu a wordo invita diferente NGO ’s y tambe departamentonan di gobierno, pa conhuntamente bay traha riba un plan di prevencion no solamente di HIV-Aids pero malesanan contagioso transmiti sexualmente, den general.

Sra. Ells a señala cu ta comproba cu tur e instancianan cu ta traha riba e tereno aki ta traha verticalmente, kiermen di manera apart, pero si nan tur traha hunto nan por yega na un plan mas efectivo y cu e mesun meta.

Conmemoracion di 150 aña di Abolicion di Sclavitud dia prome di juli 2013 na Biblioteca Nacional Aruba

Publication: Saturday, 29 June 2013. Categoria: General

ORANJESTAD    (AAN):    Prome di juli 2013 reino henter lo para keto pa asina conmemora e di 150 aña di abolicion di sclavitud. Riba 30 di september 1862 a publica e ley di abolicion cu Rey Willem III a firma, dunando asina na tur catibo libertad entrante 1 di juli 1863.

    Cu esaki tambe a bin un fin na sclavitud cu ta wordo sosteni dor di un estado. Despues di e rebelionnan di catibo den fin di siglo 18 a bin mas resistencia contra sclavitud. Inglatera a aboli sclavitud na aña 1833. Mientras cu negoshi di catibo a keda aboli na 1814, ta tarda casi 50 aña pa e catibonan den e colonianan Hulandes recobra nan libertad. Kiermen cu Hulanda tabata un di e paisnan cu mas a tarda pa aboli esaki.

    Apesar cu hopi biaha nos ta pensa cu Aruba no a conoce sclavitud, indudablemente esaki tabata e caso. Na momento di abolicion di sclavitud nos poblacion tabata consisti di alrededor di 20% cu tabata tin e status di esclavo.

San Nicolas lo ta e centro di atencion pa activacion di e di tres pilar economico

Publication: Saturday, 29 June 2013. Categoria: General

 
Minister Mike de Meza:

ORANJESTAD (AAN): “E establecimento di un zona economico na San Nicolas ta algo grandi pa San Nicolas. E ta haci San Nicolas mas atractivo pa nos turistanan y hendenan cu ta biba pabao, pero tambe ta ofrece mas oportunidad pa inversionistanan inverti den San Nicolas. Cu esaki e Zona Economico di San Nicolas ta complementa e Green Corridor”, asina Minister Ing. Mike de Meza ta comenta.

    Zonanan economico special ta terenonan grandi cu ta worde considera practicamente ciudadnan riba nan mes. Riba e terenonan aki tur tipo di actividad industrial, como tambe di servicio, por tuma luga cu ta dirigi na e mercado local, como tambe na e mercado internacional. Nan ta ofrece un gran diversidad di beneficio cu ta varia di facilidadnan di belasting, pa facilidadnan riba tereno di legislacion. E zona special na San Nicolas ta ofrece solamente beneficionan fiscal.

AVP a siña di mensahe di pueblo den pasado y awor pueblo ta dune un sosten inmenso!

Publication: Saturday, 29 June 2013. Categoria: General

Prome Minister ta premira resultado historico:

ORANJESTAD (AAN) – Premier mr. Mike Eman a indica, den conferencia di prensa, cu  Partido AVP ta hayando un empuhe asina grandi den pueblo, cu no mester haci nada di locual señor Briesen ta argumenta.

E dignatario a subraya cu AVP ta un partido cu a pasa den momentonan di falta di apoyo y el a tuma hopi na serio e mensahe di pueblo, y awor por mira con desde e eleccion di 2009 e apoyo a crece y ta sigui crece mas y mas.

AVP ta mira e sosten inmenso y mr. Eman a expresa cu si den tur eleccion lo tabata tin un apoyo asina of AVP por a percura pa henter nos  pais tabata completamente berde of MEP por a logra cu un pueblo completamente geel.

Aruba ta haya cinco Facilidad Multifuncional moderno y sostenibel

Publication: Saturday, 29 June 2013. Categoria: General

Prome Minister Eman: Proyectonan ta cla pa cuminsa

ORANJESTAD(AAN): Proyecto di Facilidadnan Multifuncional ta yega den e fase destaho publico den menos di un luna di tempo. E diseñonan di e Facilidadnan Multifuncional pa Paradera, Noord y Savaneta ta cla. MFA of Facilidadnan Multifuncional ta e siguiente paso den loke awor aki ta conoci como un Hulpbestuurskantoor.

E ultimonan aki ta ofrece varios servicio di gobierno manera paga impuesto, awa, coriente y otro utilidadnan y recientemente a cuminsa tambe cu algun servicio di Censo. E Facilidadnan Multifuncional, banda di ofrece tur e servicionan cu Hulpbestuurskantoornan ta conoci p’e, ta bay ofrece tambe servicionan di entre otro di AZV, SVb y tambe lo tin lokaalnan pa biblioteca, duna les di musica, baile y tambe luga pa duna shownan cultural entre otro.

Bo kiermen cu instancianan manera IMF, Standard & Poor’s, Fitch Ratings, Banco Central y ATIA tur ta gañando?

Publication: Saturday, 29 June 2013. Categoria: Politica

MEP na AVP:

ORANJESTAD (AAN): AVP den su maniobra di purba desekilibra e noticia cu Aruba ta na vispera di bancarota si AVP sigui goberna nos Pais, den persona di Mike de Meza tabata tin e tribilidad di bisa cu ta pa via di MEP Aruba ta den un abismo financiero awe.

   Si tur malo ta danki na MEP, e ora mester bisa cu por ehempel e Linear Park (cu tanto AVP ta pronk cune) ta danki na MEP anto, pasobra cu e ta un proyecto cu ex-Minister Eddy Briesen a laga cla pa worde ehecuta.

Pero aki si nos ta sigur cu AVP lo sapatea, pasobra ki mishi, Linear Park, ta cu segun nan esaki ta nan proyecto! Asina igualmente mester keda constata cu e abismo financiero di Aruba ta danki na AVP y AVP SO. Ban laga palabra di MEP un rato un banda y ban mira kico instancianan ta bisa di e maneho financiero di gobierno di AVP.

Analisis politico

Publication: Saturday, 29 June 2013. Categoria: Politica

Mas mentira

Evelyn Wever Croes mas y mas ta hincando su mes den problemanan severo causando un ambiente totalmente negativo den su mes partido contra di dje. Den siman Evelyn a bin cu mentiranan pertinente atrobe. Mentiranan cu e dirigentenan di MEP mes ta haya cu no por.

   E declaracion di Evelyn cu pa Marisol y Mervin e porta di MEP tabata hancho habri despues cu nan a vota pa e cambionan di ley cu a kita  privilegionan grandi  for di e  politiconan a bons back sumamente duro den cara di Evelyn. Pesey nos por a scucha Evelyn bin trata di defende su declaracion usando mas mentira den e esfuerzo aki. Loke ta dal Evelyn frontal ta cu e mes no a tene su mes na e disiplina di partido door di core for di sala di parlamento y no vota ni pro ni contra e leynan.

Deporte Local

Publication: Saturday, 29 June 2013. Categoria: Deporte

Cumpleaños Diasabra 29 Juni 2013

Publication: Saturday, 29 June 2013. Categoria: Cumpleaños

 

😀 😀 😀 😀 😀 😀 😀 😀 😀 😀 😀 😀

Hiep hiep hoera awe ta cumpli un aña mas di bida

E homber cu a horta mi curazon esta mi baby

Jancen y mi ta desea bo cu bo gosa Bo dia awe y

cubo dusfruta huno cu bo famia de parte de tu flaca.\

😀 😀 😀 😀 😀 😀 😀 😀 😀 😀 😀 😀

 

Obituario Diasabra 29 Juni 2013

Publication: Saturday, 29 June 2013. Categoria: Obituario