Home General “Nunca mi ta lubida mi tera natal y semper mi lo laga...

“Nunca mi ta lubida mi tera natal y semper mi lo laga su nomber resona”

4
0
SHARE
- Advertisement -

Dr. Edward Cheung na Prome Minister Eman:

ORANJESTAD   (AAN):   “Nunca mi ta lubida unda mi mama ta biba, ni unda mi tata ta dera, ta ‘drumi’, cu ta na mi tera natal,” di e manera aki Dr. Edward Cheung a cuminsa pa reacciona riba palabranan di gradicimento cu el a ricibi for di Prome Minister Mike Eman den un combersacion via Skype.

    Diamars mainta prensa local a haya invitacion pa ta presente na ‘Dr. Edward Cheung Center for Innovation’ pa un Conferencia di Prensa via Skype cu e cientifico Arubiano, kende recientemente a participa den un ‘zero gravity’ test di NASA.

Dr. Cheung hunto cu algun experto mas a biaha den un avion cu a yega te na 50 mil pia for di unda a baha cu velocidad pa haci un test di gravedad cu un pida tubo cual den futuro kier bay uza den espacio.

Esaki ta e motibo cu e slang aki mester pasa e test di gravedad pa mira si e lo haci loke e mester haci una bes cu e ta den espacio. Pero e interesante di e experimento aki tabata cu e cientifico Arubiano a participa y a mustra bandera di Aruba na dos ocasion den e imagennan cu a keda capta y poni riba, entre otro, YouTube.

     Ademas di e bandera, e cientifico a pega tambe riba su uniform un bandera chikito di Aruba cu tabata visibel continuamente. Prome Minister Eman den e encuentro aki a expresa su gradicimento grandi pa e hecho cu cada biaha cu e oportunidad grandi presenta, Dr. Cheung ta duna un publicidad enorme na Aruba, manera tabata e caso cu un aparato cu el a diseña pa wordo poni den espacio y a haya e nomber di ‘Aruba’.

“Mi kier a expresa mi orguyo pa e publicidad internacional cu Dr. Cheung ta duna na Aruba cada bes. Esaki ta sosode cada biaha riba un plataforma di tecnologia y ciencia, cu nos nomber ta resona. No ta tur pais tin e suerte aki y nos tin cu gradici Dr. Edward Cheung pa esaki,” Prome Minister Eman a expresa. 

       E cientifico Arubiano a splica esnan presente brevemente con e biahe pa haci e test di zero gravedad a bay, cu tabata un siman largo y den cada biahe ta haci e test tres biaha. Pero tambe con el a probecha pa na dos ocasion saca e bandera grandi di Aruba y laga esaki “zweef” den e nave. 

Pa tur e palabranan di danki cu el a ricibi for di Premier Eman, e tabata bisa cada biaha “unda cu mi bay, mi ta hiba Aruba cumi. Inclusive den e testnan di “zero gravity”.

     Na momento cu e conferencia di prensa tabata tumando luga, Dr. Edward Cheung tabata rondona di algun colega, kendenan tabata manda dato di e conferencia y di Aruba riba nan Twitter tambe, cual sigur ta otro promocion y publicidad pa Aruba cu Gabinete Mike Eman ta aprecia masha hopi mes.

- Advertisement -

DUNA COMENTARIO

Please enter your comment!
Please enter your name here