Home Politica Analisis politico

Analisis politico

0
0
SHARE
- Advertisement -

Evelyn

Aki 108 dia anochi Evelyn Wever Croes ta bay puntra esnan cu a forze bira lider di MEP pakico nan a haci esaki cune. Evelyn tabata inspector di belasting durante añanan cu AVP tabata den gobierno.

   Pa maneha e situacion financiero e tempo ey tabatin un comision financiero special cu tabata reuni un biaha pa siman caminda decisionnan  importante tabata worde tuma. Evelyn tabata miembro di e comision aki y tabata cumpli cu su trabao na un manera ehemplar.

Tur locual e mester a percura pa worde ehecuta tabata worde ehecuta corectamente. E tabata un dama agradabel pa traha cune, experto y e tabatin e confianza total di tur e participantenan di e comision. E tabatin derecho di worde nombra como director di belasting.

   Partido MEP a actua incorectamente door di no nombre como director. Awe nos tin un Evelyn Wever Croes totalmente otro mentalmente y fisicamente. Un hende completamente otro compara cu antes. Nos ta kere cu Evelyn tabata honesto ora cu e a bisa Booshi Wever cada bez cu e no ta pone su mes como candidato pa bira lider di MEP.  E no kier a bira lider di MEP. E a worde forza door di e doñonan di MEP y ta pasando den turbulencia cu e no por controla. E ta sinti cu un parti grandi di e dirigentenan di MEP no ta di acuerdo cu e manera cu e a bira lider y mayoria di nan ta kere cu e no ta un lider berdadero.

   Marisol Lopez Tromp tabatin casi 2 biaha mas voto cu Evelyn. Marisol a lanta den  un famia politico y como profesion ta sociologo. E tin hopi mas experiencia cu Evelyn den politica tanto como miembro di Staten y tambe como ministro. E a worde saca for di MPE pa un solo motibo y esey ta cu Evelyn mester a bira lider. Evelyn mester a bira lider pa sigura cu e interesnan financiero di famia por a worde atendi manera e doñonan di MEP ta desea. Rudy Croes no por a haci loke nan tabata exigi di dje y ora cu Hulanda a kita Rudy su autoridad como minister e doñonan di MEP a insisti pa haya un persona di famia cu mas inteligencia pa haci loke nan ta desea pa e haci.

   Dia 27 di September Evelyn ta bay reclama esnan cu a pone drenta den algo cu e no tabata desea. Blunder tras di blunder ta marcando e marcha di Evelyn sin cu e por yuda. Su ultimo tabata cu e tabata drumi como lider di oposicion durante tratamento di presupuesto den Staten. Asina leu cu nos por corda esaki nunca a sosode na Aruba cu e lider di oposicion no ta presente durante tratamento di presupuesto. Hasta esnan den MEP cu no ta di acuerdo cu Evelyn como lider ta conciente cu awo ta laat pa cambia Evelyn algun dia prome cu eleccion pero nan ta convenci cu despues di eleccion cu e resultado cu lo tin Evelyn mes lo bay  na careda y lo no bolbe nunca mas.

   E barco cu e a p[ega door di no atende e coronacion di nos Rey nobo ta un cu ni  maske cuanto Evelyn lo kier cambia e efecto di e blunder aki nada mas por worde haci y e pifia aki ta bay tin un efecto dramatico dia di eleccion. Esaki hunto cu e peso di e chumbo cu e tin ariba su lomba cu tur e contratonan miyonario cu su familiarnan tin sin cu e a distania su mes di tur loke a sosode ta fatal pe. Evelyn ta deforma mentalmente y fisicamente haciendo algo cu tur hende por mira cu e ta bay di mala gana.

  Nan ta force casi tur dia pa bin cu un cantidad di mentiranan contra su oponentenan politico mientras e sa bon bon cu e ta lanzando mentiranan serio cu cada uno ta bay keda persiguie. Hopi hende ta puntra nan mes con por ta cu esnan cu  a cobra miyones di gobierno no ta laga Evelyn distancia su mes di nan y priminti pueblo cu e lo no hiba e mesun liña di su familiarnan. E no a haci esaki mientras e tabatin tur oportunidad loke ta un confirmacion cu e a worde planta como lider cu un solo meta pa proteha e interesnan di famia y nada otro.

- Advertisement -

DUNA COMENTARIO

Please enter your comment!
Please enter your name here