Home General Gobierno tin e obligacion pa reduci e deficit di finanzas publico

Gobierno tin e obligacion pa reduci e deficit di finanzas publico

1
0
SHARE
- Advertisement -

Director di ATIA mr. drs. Igmar Reyes:

ORANJESTAD (AAN): ATIA, representando comercio, ta sumamente preocupa cu e finanzas di Aruba y e diferente rapportnan cu a sali ultimamente como IMF y S&P.

  E publicacion di e rapport di Standard & Poor’s (S&P) ta ilustra e finanzas di gobierno, e deficit cu tin y e problemanan na caminda cu fondonan di entre otro AZV y AOV. ATIA ta preocupa cu esaki y como partner social/comercial ta kere cu conhuntamente nos lo mester pone pais Aruba riba bon rails. Esaki no solamente lo puntra pa hopi esfuerzo y compromiso pero tambe curashi.

   ATIA ta di opinion cu nos situacion financiero actualmente a worde crea durante varios aña y diferente gobernacion, pero esey no ta kita afor cu e gobierno actual y esnan den futuro lo mester tuma action rapido pa rectifica e situation aki.

Gobierno tin e obligacion pa reduci e deficit di finanzas, haci cambionan structural na e fondanan di pension y AZV y yega na balanced budget den tempo cortico.  Si no e debe nacional lo keda subi, algo cu ta malo pa e solvencia di nos pais y cu por tin un impacto menos positivo pa nos economia. Comercio ta e motor di nos economia y ta un factor importante pa nos economia crece y sigui desaroya. Comercio actualmente ta pasando door di momentonan menos favorable, y pa percura pa esaki crece y desaroya mester bin cambio den maneho y incentivonan pa empuha esaki y crea crecimento economico y cuponan di trabao.

 Segun Reyes, e miembronan di ATIA ta preocupa cu gastonan relata na e.o. AOV y AZV (cu lo sigui subi) oro mester bay worde carga parcialmente door di comercio. Un scenario cu comercio no ta haya deseabel. Comercio actualmente caba ta cargando e porcion mayoritario di e gastonan aki. Muy en particular mirando cu local y internacional e crecemento economico ta basta limita. Si gobierno opta pa hisa prima di seguronan social ariba corto plazo (pasina cubri e deficit) esaki no lo afecta solamente comercio pero tambe pueblo en general, mirando cu e capacidad di compra lo baha.  

 ATIA ta kere firmemente den dialogo. Reyes ta splica cu actualmente ATIA ta preparando

“position papers” riba diferente topiconan di crucial importancia pa nos economia, asina dunando su aporte na mejora e cualificacion di S&P.

- Advertisement -

DUNA COMENTARIO

Please enter your comment!
Please enter your name here