Home Politica Parlamentario Arondino Croes a trece un pida material cu segun e ta...

Parlamentario Arondino Croes a trece un pida material cu segun e ta hopi peligroso den sala di Parlamento!

3
0
SHARE
- Advertisement -

ORANJESTAD (AAN); Durante di tratamento di presupuesto 2013, Parlamentario Arondino Croes di fraccion di MEP a hiba un desertacion unda cu e ta bisa cu den caya grandi tin pidanan di material cu ta contene asbest.

   Segun e parlamentario, e trahadornan den caya ta exponi na e material aki cu ta hopi toxico pa e trahadornan y pa e hendenan cu ta cana den caya grandi. Pa e por a dramatisa su ponencia, Sr. Croes a bay piki y trece un par di pida di e material cu e ta considera hopi peligroso den sala di Parlamento como muestra.

   Durante di su desertacion el a bisti un handschoen y a tuma un di e pidanan di asbest cu e tabata tin den un saco di papel y cuminsa zwaai e rond mientras cu e ta papia. E material tabata pasa bay bin dilanti di su nanishi mientras cu e mes ta bisa cu e material ta peligroso.

   Despues el a kita e handschoen cu el a gara e material toxico cune, cu su otro banda di man. Su coleganan, especialmente Xiomara Ruiz-Maduro no a bisa nada mientras cu nos por corda cu e parlamentario aki a haci basta desorden durante di reunion publico encuanto situacion di asbest cu tabata tin na Mon Plaiser Onderbouw.

   Durante di e mesun reunion aki, Señora Evelyn Wever-Croes a expresa cu hopi dramatisacion, cu dak di asbest kibra ta hopi peligroso mes. Awor nan colega Arondino ta drenta Parlamento cu un material cu nan ta bisa cu ta super toxico, denta sala di Parlamento, expone e material den sala di Parlamento, sinta banda di su coleganan,  y ni Señora Wever-Croes ni Señora Ruiz-Maduro no a hala su atencion. Nan tabata disfruta di locual cu nan colega tabata bisa enbes di coregie. Esaki ta e politica cu partido MEP ta hibando den Parlamento cu ta mustra cu nan no tin seriedad y cu henter e desorden tabata pa haci politica riba custia di muchanan di school.
Enberdad material cu ta contene asbest ta peligroso ora cu e ta den forma di stof cu por ser inhala y por causa cancer e ora. Pero ora e ta mara den cement y ta stabiel, e no tin stof. E material cu Arondino ta papia di dje, mescos cu e pidanan cu el a trece den Parlamento tabata solido y sin polvo pues no ta expone ningun hende na peliger. Ni pa Arondino cu tabata para ta zwaai e bay bin! Kiermen cu e material cu e tabata referi na dje no ta peligroso!

- Advertisement -

DUNA COMENTARIO

Please enter your comment!
Please enter your name here