Home Hudicial A prolonga detencion di “Pretu” pa sospecho di asesinato di Bolle

A prolonga detencion di “Pretu” pa sospecho di asesinato di Bolle

4
0
SHARE
- Advertisement -

ORANJESTAD   (AAN):    Informe cu a drenta for di Corsow ta señala cu huez comisario a dicidi cu ta na interes di e investigacion di e caso di asesinato di Bolle pa e sospechoso Pretu keda detenin preventivamente.

   Abogado Vaders a laga sa cu e lo apela e decision.  Abogado Marije Vaders na nomber di su cliente Luigi Lorenzo Florentina (conoci como Pretu) lo a trata di saca su cliente liber ayera. El a entrega un peticion pa suspende e detencion di Pretu cu ta sera den e Marinierskazerne bon proteha na Suffisant.  

    Huez Comisario a dicidi cu e detencion ta sigui. Awe e lo manda un documentu oficial pa e partidonan riba papel.

    Pretu a wordo sera 60 dia y e periodo aki ta vence otro siman. Su abogado a argumenta cu ta viola su derechonan basico den e kazèrne.

   Segun media di Corsow, e eventual libertad di Pretu lo a nifica un sla grandi pa e investigacion  den e caso Wiels. Esey ta e punto tambe cu huez comisario a laga pisa fuerte den su decision.

     Pretu ta deteni relaciona cu asesinato di Raul Jacinto Martinez conoci como Bolle. Bolle tabata den e auto cu a usa pa likida Wiels dia 5 di Mei ultimo.

- Advertisement -

DUNA COMENTARIO

Please enter your comment!
Please enter your name here