Home Policial Chofer hoben a bay “kita pa cabrito” riba caminda y dal peaton

Chofer hoben a bay “kita pa cabrito” riba caminda y dal peaton

0
0
SHARE
- Advertisement -

Ciudadano di edad gravemente herida na Coba Lodo

ORANJESTAD(AAN): Diahuebs anochi a sosode un accidente basta serio na Coba Lodo. Polis a haya informacion di e desgracia y a yega mesora. Na yegada a pidi pa ambulance cu urgencia. E homber di edad basta halto canando su garoti a bira victima.

   E chauffeur hoben tras di stuur cu un Celta preto parce a kita pa algo y a dal e peaton cu tabata canando.

   Tin indicacion cu el a hala pa un cabrito.

   E victima tabata net dilanti su cas e momento ey yegando. Ambos tabata bay direccion pariba. Personal di ambulance a traha profesionalmente cu e victima pero ora tabata cla pa bay cune a presenta otro problema.

   E ambulance a daña. E brake a faya y esaki kizas tabata pa motibo di e velocidad halto cu e ambulance a move pa yega na elugar. A pidi presencia di otro ambulance cu tabata tey mesora na elugar. Fiscal y tambe e hefenan encarga cu trafico a worde notifica. E dama chauffeur hoben a bira malo y tabata basta emocional cu e sucedido. A notifica slachtofferhulp pa tambe bin duna un man.

- Advertisement -

DUNA COMENTARIO

Please enter your comment!
Please enter your name here