Home General Comision Bon Boluntad lo acerca prensa cu e cuadro di normanan pa...

Comision Bon Boluntad lo acerca prensa cu e cuadro di normanan pa e periodo di eleccion aki

1
0
SHARE
- Advertisement -

ORANJESTAD (AAN) – Den conferencia di prensa convoca pa Comision di Bon Boluntad, su presidente mr. Glen Thode a duna di conoce cu CBB mes lo acerca prensa cu e cuadro di normanan cu mester rigi durante e periodo di campaña y eleccion di Parlamento y e ta haya cu prensa tambe por tin nan skerpi pa medio di e preguntanan critico cu nan por haci na e comision.

El a subraya cu e Comision aki ainda no a forma e deseo di tin un base legal ni pa ta un autoridad represivo durante e eleccionnan. Nan kier hunga e rol di ta un grupo cu ta supervisa y observa bon e campaña, y mira con e comportacion di cada un ta, manteniendo e cuadro legal y usando un spiel cu e autoridad moral cu e cuadro legal aki tin, di manera cu e electorado mes por huzga.

E comision no a scoge pa bisa kico ta bon of kico ta malo pero mustra na unda e campaña no ta cuadra cu un campaña limpi y di bon nivel a base di e principionan aki y laga tog e libertad na e campañadornan pa busca espacio con nan por comporta nan mes pa gana e preferencia di e votador y tambe di e electorado mes pa sanciona e comportacion cu kizas ta contra un campaña limpi y di bon nivel.

CBB tin un e-mail adres cu ta secretariat@arubachamber.com na cual por manda keho, opinion y comentarionan. Nan tin un pagina bao nomber Comision Bon Boluntad, unda cu nan ta duna informacion y ademas nan ta riba facebook y Parlamento Hubenil ta yudando nan pa esaki ta di bon calidad.

Facebook ta un canal pa nan por haci e contacto, pero e comision ta prefera pa e personanan atende e kehonan por escrito y di un manera concreto. Tin informacion cu no ta pa consumo publico y nan kier verifica e kehonan cu drenta prome cu nan tuma un posicion a base di esakinan.

Kehonan ta keda anonimo y ya caba nan a ricibi varios cu a wordo trata, pero facebook ta un plataforma mucho habri pa haci esaki.

 

- Advertisement -

DUNA COMENTARIO

Please enter your comment!
Please enter your name here