Home General Detencion, arma y droga confisca despues cu Fernando Maria a pasa los...

Detencion, arma y droga confisca despues cu Fernando Maria a pasa los tiro den Tarabana

1
0
SHARE
- Advertisement -

ORANJESTAD(AAN): Diahuebs atardi lat a sosode un caso caminda un conoci di polis Fernando Maria a pasa den Tangerinestraat y los tiro. Polisnan a ser yama y na yegada a topa cu un grupo cu tabata sinti nan mes menaza.

Algun siman pasa caba e mesun sospechoso a los tiro y a usa mesun Tercel Cora pa e move for di elugar. E dia ey el a worde haya y a nenga di a comete e acto. No por a prueba nada y asina no por a detene Fernando Maria aunke e victima cu el a los tiro ta insisti cu ta esey a sosode.

Diahuebs si e grupo den Tarabana tabata testigo con Fernando a los e tiro. Dificilmente nan kier a declara pero asina mes a logra haya suficiente detaye. E polisnan di Straatdienst mes a atende cu e caso y asina a bay tras di algun informacion acumula.

A bay na e cas na Sabana Blanco 23 y aki ta bin haya e sospechoso. El a keda deteni. No a haya arma den su poder pero despues cu a hibe warda a cuminsa cu un buskeda. E team di K-9 a ser yama y varios unidad uniforma a cuminsa cu e buskeda. Tambe e polisnan di trafico y esnan di Oranjestad y Santa Cruz a dune un man den e caso aki.

Despues cu a descubri e revolver a bin haya tambe cierto cantidad di matanan di marihuana na e adres. A haci buskeda den e cas tambe pa mas posibel material ilegal. Un Bon Trabao di polis den e caso aki.

 

- Advertisement -

DUNA COMENTARIO

Please enter your comment!
Please enter your name here