Home General Facultad FEF cu otorgamento di diploma di fase principal

Facultad FEF cu otorgamento di diploma di fase principal

4
0
SHARE
- Advertisement -

ORANJESTAD (AAN): Recientemente  a otorga diploma na e studiantenan di FEF cu a caba nan estudio di Bedrijfseconomie of Commerciële Economie existosamente. E ceremonia a tuma lugar den Aula di Universidad di Aruba. Cada aña atrobe esaki ta un evento special pa FEF cu pa 16 aña caba ta suministra mercado local cu graduadonan.

   E biaha aki 12 studiante a ricibi nan diploma di Bachelor. Aunke cada ceremonia di graduacion ta special, e aña aki e tabata extra festivo pa motibo cu na april di e aña aki e di 250 studiante a gradua.

Roxanne van Dinter a gradua como Bachelor of Economics (BEc) cu un proyecto final di investigacion na CATC. E no tabata e prome graduado di e aña aki.

Angelique Quijada, Samantha Robert y Jorge Croes tabata e promenan cu a caba nan estudio di Bachelor of Commerce (BCom). Jorge Croes a haci un investigacion na WEB tocante comunicacion. Na juni Shanley Banfield (BEc) a gradua na AZV unda el a haci un analisis di gasto.

   Banda di nan a gradua Diandra Dirkz, Gianny Maduro en Lilliana Ceballos (BCom). Nan a haci investigacion pa marketingbureau iD Aruba. Jhonn Paul Carillo (BCom) a investiga lealtad di  cliente pa De Palm Tours, mientras cu Rigmar Kock (BCom) cu su investigacion pa Famia Planea a duna un aporte na e comunicacion tocante embaraso hubenil.

   E aña aki dos studiante a gradua afo: Joanne van der Lee (BEc) na Curaçao unda el a haci un analisis di gasto pa Hilton y Maggylin Hazel (BCom) na St. Maarten unda el a investiga e efectividad di mensahenan di propaganda pa West Indies Bank.

   Samir Zambrano y Sirla Brete (ambos BCom) a gradua na Frasa International cu un investigacion tocante necesidadnan di consumidor. E aña aki Sirla Brete ta e miho graduado. Pa e motibo ey el a ricibi un certificado for di man di decano Joost Jacobs. E gran cantidad di empresa cu ta dispuesto pa facilita studiantenan durante nan fase final di estudio ta mustra cu FEF ta satisface  un demanda halto pa personanan cu un estudio avansa riba e terenonan di contabilidad, finanzas y mercadeo. Versatilidad riba e terenonan aki ta un caracterisca fuerte di e graduadonan di FEF.

   E docentenan cu a guia e graduadonan durante e fase final di nan estudio a dirigi palabra na nan, esta Bauke Feenstra, Carolien Gaarthuis, Kitty Groothuijse, Joost Jacobs, Reint Schutter en Esther Tiemes. Nan a felicita e graduadonan di curason y a desea nan hopi exito den nan carera profesional.

   Otro aña FEF lo celebra su 20 aña di existencia, hunto cu e celebracion di 25 aña di Universidad di Aruba. Durante su existencia FEF a conoce un crecemento grandi di e canditad di studiante. E estudio ta ofrece un base teorico solido pero alavez tin hopi elemento practico. E diferente proyectonan, stage y e proyecto di investigacion final ta ofrece e studiantenan posibilidadnan amplio pa durante nan estudio caba practica loke nan a siña den teoria.

- Advertisement -

DUNA COMENTARIO

Please enter your comment!
Please enter your name here