Home General Gerencia di ELMAR y personal di staf hunto cu Mediador ta sigui...

Gerencia di ELMAR y personal di staf hunto cu Mediador ta sigui sinta na mesa

2
0
SHARE
- Advertisement -

ORANJESTAD (AAN) – Den entrevista cu Matutino DIARIO, Mediador di Gobierno señor Anselmo Pontilius a referi na su mediacion cu dos partido cu e ta sinta na mesa cu nan, relaciona cu un disputa cu tin entre nan y cu tin di haber cu NV ELMAR.

El a menciona cu e trahadornan di staf y gerencia di NV Elmar ta na mesa pa basta tempo caba, y nan tin nan mes organizacion di trahador y ta tratando di yega na un contrato colectivo.

Un di e puntonan cu ta den disputa ta si e aumento di salario cu mester a bin na aña 2010, tin cu wordo aplica pa e staf completo di Elmar.

Den e aspecto aki tin diferencia di opinion y ambos partido no por a yega na otro y a bay Corte, Mediador sr. Pontilius a agrega.

Como resultado Huez a pidi nan bay sinta na mesa y akinan a pidi intervencion di Mediador di Gobierno, ken a contribui pa trata di haya un salida.

Huez a indica cu tin suficiente tempo pa nan por yega na un areglo, y si esey no ta e caso dia 1 di October lo dicta sentencia.

Diaranzon awor tabata tin un reunion, y tur dos partido lo a intercambia di proposicion caba prome cu esaki tuma lugar.

Mediador sr. Pontilius a expresa cu esaki ta hopi importante pasobra tur dos partido ta documenta, y den e di tres vuelta di combersacionnan lo a mira con leu por yega sea nan resolve e problema cu tin na e momentonan aki cu ta e suma di placa cu mester wordo paga, y si nan yega na otro tin cu establece un periodo pa cera un contrato colectivo.

E Mediador a splica cu na NV Elmar tin un contrato colectivo cu ta entre U EA cu Gerencia, y esaki lo ta e prome CAO pa staf cu nan organizacion nobo. Pone riba papel tur loke a wordo palabra ta e mehor forma y Mediador Pontilius ta spera cu nan yega na un acuerdo e dianan aki pa despues cuminza cu e fase di negociacion pa firma un contrato colectivo.

 

- Advertisement -

DUNA COMENTARIO

Please enter your comment!
Please enter your name here