Home Politica Gobierno di AVP ta kita placa for di e empleadonan publico p’asina...

Gobierno di AVP ta kita placa for di e empleadonan publico p’asina nan por sigui emplea mas activista

2
0
SHARE
- Advertisement -

MEP ta revela

ORANJESTAD (AAN): Segun Partido MEP, e luna aki varios ambtenaar a haya un sorpresa desagradable na momento cu dia 24 ultimo nan a ricibi nan salario.

Sin duna ningun aviso adelanta, sin consulta cu e famoso Dialogo Social y manera un ladron den anochi e gobierno aki a dicidi unilateralmente di aumenta e loonbelasting di tur empleado publico.

   Consecuentemente tur empleado publico a bay atras den nan entrada e luna aki, algun di nan cu 30 Florin y otronan te hasta cu 40 Florin menos. 

 Ta hopi straño si cu te awe – despues di 1 siman – te ainda no tabata tin ningun hustificacion di parti di Minister di Finanzas Mike de Meza ni di Minister President Mike Eman, ningun reaccion di parti e sindicatonan di empleadonan publico y tampoco ningun protesta di e empleadonan publico mes, cu di un luna pa otro a sinti con nan a worde afecta den nan entrada.

   Ta hopi straño si cu e sindicatonan no a subi caya ainda pa protesta energicamente contra e abuso y atraco aki riba cartera di e empleadonan publico.

   Si haci un calculacion chikito, e reduccion aki na un averahe di 35 Florin pa cada empleado y basa riba un total di 6.000 empleado publico, esaki ta suma na mas cu 200 mil Florin pa luna cu ta keda den caha di gobierno pa e gobernantenan di AVP sigui derocha y malgasta na nan antoho. Pues, ta bisto cu gobierno ta kita placa for di e empleadonan p’asina nan por sigui emplea mas coordinador prome cu eleccion.

   Ya nan ta pagando caba 35 miyon Florin pa aña na e coordinadornan activista aki y ainda falta.

   Pa aña esaki ta yega na un suma di mas cu 2.5 miyon Florin cu gobierno ta ranca for di e pober trahadornan publico. Y asina mes tur dia Mike Eman y Rene Herde ta grita cu nan si no ta un gobierno di medida manera supuestamente MEP lo ta.

   Awor ta keda na e sindicatonan di empleadonan publico pa bati na porta di Mike Eman y su ministronan y puntra nan kico ta nan intencion, esta di sigui chupa delaster un gota di sanger di e empleadonan publico y p’asina nan por paga pa nan fabornan politico.

   Si no bin ningun accion of protesta, gobierno ta haya ‘carte blanche’ pa otro luna sigui aumenta e loonbelasting, haya mas placa den caha pa derocha y e ora ey lo ta laat pa un y tur.

- Advertisement -

DUNA COMENTARIO

Please enter your comment!
Please enter your name here