Home General Gran parti di e 3500 cupo di trabou den e ultimo tres...

Gran parti di e 3500 cupo di trabou den e ultimo tres añanan ta danki na inversionnan di FDA

1
0
SHARE
- Advertisement -

ORANJESTAD    (AAN):   Desde cu Fondo Desaroyo Aruba a wordo funda, miyones di florin a wordo aloca den e fondo door di Gobierno di Aruba y di Hulanda. Tur aña e FDA ta percura pa su cuentanan wordo controla y haya aprobacion di un compania di contabilidad registra. E cuentanan 2012 di FDA a keda aproba y diaranson mainta miembronan di directiva – Frendsel Giel, Dr. Glenn Thode y Jessy Simon – a haci entrega di e relato anual na Prome Minister Mike Eman den presencia di Minister di Integracion Infrastructura y Medio Ambiente Benny Sevinger.

E miyonnan cu FDA ta inverti den economia local, financiando proyecto cu ta encera construccion, ta laga e economia draai.

Prome Minister Eman a haci un analisis di datonan den sector laboral y a splica cu analisando e cantidad di personanan registra na SVb na 2009, ora cu Gabinete Mike Eman a cuminsa cu gobernacion y loke cu tin awor inscribi, a constata un aumento di 3500. “Mi ta kere cu un parti importante di esaki ta bini un parti for di crecemento den turismo y un otro parti door di inversionnan cu ta wordo haci den proyectonan.”

E mandatario a enfatisa cu importante den e proyectonan ta cu nan impacto economico no ta solamente den e periodo di construccion, pero tambe cu nan ta embeyece y mehora e producto Arub. Nan impacto ta duradero. “Den un tempo basta largo nan lo keda contribui na economia di Aruba. Cada un di e proyectonan aki ta fortificando loke ta pasando den centro di ciudad, economia di Aruba y producto Aruba.”

 

- Advertisement -

DUNA COMENTARIO

Please enter your comment!
Please enter your name here