Home General Ministro contento con den un di e lunanan mas slow di aña...

Ministro contento con den un di e lunanan mas slow di aña a conoce un crecemento di 5.5% den cantidad di turista

0
0
SHARE
- Advertisement -

ORANJESTAD (AAN): E siman aki tabata uno hopi positivo pa loke ta trata turismo di Aruba. Despues cu mas trempan den siman resultadonan di turismo crucero a drenta indicando un crecemento di no mas cu 136.2% pa loke ta juni 2013  y di 13.4% pa loke ta e promer seis lunanan di aña, diahuebs a ricibi e resultadonan di loke ta trata turismo ‘stay over’.

E cifranan aki ta indica e resultado hopi positivo y cu ta un record pa loke ta luna di juni. Asina por bisa cu a conoce den e di seis luna di 2013 un crecemento di 5.5% den cantidad di turista.

Lunanan di mei y juni ta conoci pa ta lunanan hopi abou pa loke ta trata e cantidad di bishitantenan cu ta bishita nos isla, pero e aña aki por mira resultadonan record.

Mirando e grafica adhunto por mira cu for di 2011en adelante a cuminsa mira unc recemento continuo den e cantidad di bishitantenan cu ta yega Aruba, siendo 2013 e aña record den cantidad di turista pa loke ta trata luna di juni.

Minister Otmar Oduber a indica cu e ta sumamente satisfecho cu e resultadonan aki y ta gradici tur instancia cu a contribui na e gran logro aki. E resultado positivo di juni ta sigui e resultadonan positivo cu nos a bin ta mirando durante e promer lunanan di 2013. Luna di mei mes a conoce un crecemento di 10.3% y e promer seis lunanan di aña por mira un crecemento di 5.44% den e cantidad di turistanan cu a bishita nos isla, lo cual ta casi dobel di loke a pronostica pa aña 2013.

E di dos grafiek ta mustra tambe cu pa loke ta e promer 6 lunanan di aña por a constata un crecemento continuo for di 2009 te cu e aña aki.

Mirando e resultadonan pa regionnan, Minister di Turismo ta mustra cu pa di nuebe luna consecutivo e mercado Mericano a bin a creciendo, yegando den luna di juni na un crecemento di 8.82%. Esaki ta un refleho di e cambio di strategia y atencion special duna na e mercado aki y cu awe ta dunando resultadonan positivo. No por laga sin menciona cu e mercado d North East a crece cu 10.04 %, South East cu 10.20%, Mid Atlantic cu 13.86%, Western cu 7.63% y Mid West cu 1.74%, segun e cifranan recopila pa ATA.

Pa loke ta Canada, por a mira un crecemento den luna di juni di 1.12%, Venezuela cu un crecemento di dobel cifra cu 15.52%, mercado Colombiano a crece cu 7.51%, Brazil a presenta un aumento di 6.40%, Argentina a crece cu 26.48%, Hulanda di otro banda a conoce un caida leve di -0.98% y Suecia a crece cu un 32.18%.

Minister Otmar Oduber ta sigur cu e resultadonan positivo aki den nos turismo ta bin danki na e bon relacion cu e partnernan den e industria y e dedicacion cu cada un di e personanan cu ta traha den e industria di hospitalidad ta brinda na nan trabao, teniendo e compromiso tur  di mehora e calidad di nos Producto Aruba.

- Advertisement -

DUNA COMENTARIO

Please enter your comment!
Please enter your name here