Home Politica Parlamento a trata ley di reparacion pa nos pensionadonan

Parlamento a trata ley di reparacion pa nos pensionadonan

0
0
SHARE
- Advertisement -

Parlamentario Clarisca Velasquez

MEP cu ta priminti e pensionado yen di cos no a bin ni cu un mocion ni un amienda

ORANJESTAD     (AAN):     Segun Parlamentario Clarisca Velasquez, aki bo ta tuma nota cu ta voto so nan kier pa nan por jega na poder pa nan por sigi enrikese nan mes cu placa di pueblo.

   Diabierna a trata e ley di reparacion pa nos pensionadonan caminda cu gobierno lo duna nos pensionadonan un reparacion riba nan poder di compra. E dia aki e fraccion di Mep den parlamento cu por cierto dos miembro so a representa pueblo den parlamento for di e cinco asiento cu nan tin no a bin cu nada concreto si ta asina nan tin nos pensionadonan na pecho.

Nos grandinan a traha duru pa nos pais y e gobierno aki kier duna nan un ahuste di reparacion pa asina nan por hanja un tiki alivio. E dia aki e dos miembro di Mep den parlamento no a bin cu ni un sugerencia ni un mocion y ni un amienda pa nan haci cambio den e ley mirando cu e dia aki bo tin minister di finanzas Ing Mike de Meza y minster president Mike Eman presente nan por a probecha di bin cu algu cu segun nan ta mihor pero nada nada. 
   Aki pueblo mester conclui cu ta solamente promesa nan ta haci nan nos pensionadonan pa nan por haya voto pa eleccion venidero.
   Hasta nan a gaba e ley di reparacion durante e reunion publico contradiciendo nan mes den tur loke nan ta bisa contra e gobierno sinta.
     E ley di reparacion lo trece alivio pa tur nos pensionadonan sin haci excepcion algun y esaki ta e meta di nos gobierno pa un y tur haya un tiki alivio y pa por yuda den e poder di compra. Fraccion di Mep den parlamento a demostra cu ta voto so nan kier na september proximo paso ora nan haya oportunidad pa haci algo nan no ta hacie!

- Advertisement -

DUNA COMENTARIO

Please enter your comment!
Please enter your name here