Home Policial Polis a confisca “Free Shuttle” inhustamente riba instruccion

Polis a confisca “Free Shuttle” inhustamente riba instruccion

0
0
SHARE
- Advertisement -
 y awor por spera caso atrobe den corte

 

ORANJESTAD(AAN):Un ciudadano yiu di tera cu tin custumber di core su shuttle den area di hotel pa Playa a haya su mes den problema cu autoridad diamars anochi. Pa hopi tempo el a haci esaki aunke den comienso te hasta corte mester a bay.

E tin algun tempo sin core pero awor a bolbe subi caya. Parce cu a manda e mensahe pe cu nan lo molestie ora cu e subi caminda. Berdad diamars anochi moviendo riba caminda el a haya su mes den problema bayendo su cas. Sin cu e tabata tin cualkier turista of hende abordo el a haya su mes cu polis cu a dune instruccion pa stop.

Asina e polisnan a bise cu nan ta bay kita e vehiculo for di caminda. A mustra e polisnan tur e proceso cu ya caba a wordo cana den pasado. Tambe e documentonan di e shuttle ta full na ordo. Asina mes por a sinti cu e polisnan na e sitio no kier a kita e shuttle pero instruccion a bin di un caminda.  E shuttle a wordo kita cu sentimentonan mixto di e polisnan y awor lo mira kico ta e siguiente paso di e propietario.

Ta intencion di entama un otro caso mirando e prome sentencia. Ya caba a gana caso anteriormente y awor un biaha mas lo cana caminda legal pa huez bolbe atende e asunto si ta necesario. E shuttle ta core gratis riba un ruta di hotel pa Playa y e ciudadano ta gana su pan cu e propagandanan cu tin riba e shuttle.

E tin un tip box pero esaki no ta un exigencia pa laga ningun placa. Parce cu Departamento di Transporte Publico tin di haber cu e decision aki. Mescos cu e shuttle aki tin tambe e tram cu ta core gratis.

Aki te hasta DOPV cu polis ta move riba dje. Awor tin un decision cu prome cu tuma paso legal lo purba tog sinta na mesa y mira con ta atende e diferencia di opinion cu tin.

Nan ta sinti cu no por strobe e shuttle di haci transporte di turista den forma gratuito.

- Advertisement -

DUNA COMENTARIO

Please enter your comment!
Please enter your name here