Home General Promer Minister Mark Rutte impresiona cu e crecemento drastico di nos...

Promer Minister Mark Rutte impresiona cu e crecemento drastico di nos turismo

1
0
SHARE
- Advertisement -

ORANJESTAD    (AAN):  Den cuadro di e bishita di e Promer Minister di Hulanda, Mark Rutte na nos isla, Minister di Turismo Otmar Oduber a keda hopi satisfecho cu e bon comentarionan tocante nos turismo.

Promer Minister Rutte a comenta cu Gabinete Mike Eman a bin ta haciendo un bon trabou y den e cuadro ey el a duna comentarionan sumamente favorabel relaciona cu e desaroyo di turismo na nos isla.

E comentarionan di Premier Rutte tocante nos turismo, esta cu e ta mustrando di ta mas fuerte y stabil, ta relaciona cu e crecemento continuo di nos turismo cu cifranan hopi positivo.

Segun Promer Minister Rutte, danki na e aumento di nos turismo, nos isla ta superando e ciere di Valero hopi mas facil, mirando cu nos economia ta mehorando.

Desde 2009 na momento cu Minister Oduber a asumi su responsabilidad, unda cu a topa cu un turismo cu tabata den un decadencia total, por a mira un cambio drastico den e maneho caminda a concentra den mehora e relacionnan cu nos partnernan den e industria, a enfoca hopi riba diversificacion y e resultadonan entrante 2010 pa loke ta nos turismo a cuminsa mustra positivo.

For di e momento ey por a mira un crecemento constante y continuo aña tras di aña. Por menciona tambe un factor hopi importante den e desaroyo di industria di turismo, esey ta momento cu ATA a bira independiente, lo cual a haci e e mercadeo di nos isla den exterior por a wordo maneha na un manera mas eficiente y eficaz.

Awe na 2012 por mira un resultado sumamente positivo pa loke ta nos turismo. Esaki a wordo reconoci no solamente pa Promer Minister di Hulanda, pero tambe a diferente otro instancia internacional y local cu a indica cu danki na crecemento den nos turismo Aruba por a mira un crecemento economico a pesar di e ciere di e refineria.

Minister Otmar Oduber ta indica cu ainda tin hopi trabou pa haci no solamente pa mantene e bon resultadonan aki, pero pa sigui bay den e direccion di mehora nos industria principal y e ta comprometi pa haci esaki.

 

- Advertisement -

DUNA COMENTARIO

Please enter your comment!
Please enter your name here