Home General Santa Rosa buscando diferente alternativa pa duna sosten na e Agricultor...

Santa Rosa buscando diferente alternativa pa duna sosten na e Agricultor y Criador

1
0
SHARE
- Advertisement -

ORANJESTAD (AAN): Ultimamente por a tuma cu e damnan di awa na Aruba ta secando cual ta causa di hopi preocupacion entre e Agricultor y Criadornan.

Pa aña 2013 mas secura ta worde premira door di medionan internacional pa cual estudionan ta conseha cada pais y tur Agricultor pa haci uso di recursonan pa collecta y warda awa na momento di yobida. Ta indica cu si esaki no worde haci lo por tin consequencianan grave pa e cosecha y economia di e pais.

Mirando e susedidonan aki Santa Rosa bou di maneho di Minister di Turismo, Transporte y Labor, Otmar Oduber kende tin e bienestar di nos sector primario como un prioridad, a haya encargo pa cuida e damnan y crea alternativanan pa asina sostene e Agricultor y Criadornan cu awa dushi pa muha mata y cria bestia.

Recientemente Minister Oduber a aproba un inversion grandi den UV filter cual ta un sistema sumamente sofistica cu ta usa rayonan Ultravioleta pa mata microorganismonan den awa. Cu e inversion aki Minister Oduber kier engrandece e sector primario por medio di sistemanan sustenibel.

E sistema aki lo worde usa pa purifica e awa di RWZI y asina segura awa limpi di calidad halto cu por worde usa pa muha mata. Den e forma aki Santa Rosa kier cumpli cu e mission di Minister Oduber pa duna sosten na e sector primario, specialmente durante temporada di secura.

Durante e temporada aki Santa Rosa a traha directamente cu diferente otro sectornan unda cu hunto a percura pa sigui sostene e Agricultor y Criadornan cu awa limpi.

Landslab y Gezondheidsdienst ta forma parti esencial den e control di awa di dam y RWZI unda cu nan ta midi detayadamente e calidad di awa.

Pa sigui busca sosten pa e Agricultor y Criadornan Santa Rosa a reuni cu WEB unda cu a ricibi tankinan pa colecta awa como donacion y tambe ta mirando den e posibilidad pa yuda Santa Rosa y e Agricultor y Criador cu awa dushi.

Tambe DLVV tin e encargo pa renoba 5 poz di awa, cual ta situa na Pavia, Sero Preto, Palo di Boonchi, Saliña Cerca y Calabas. E poznan aki lo ricibi reconstruccion completo unda cu lo pone molina y tanki pa asina alivia e costo di awa pa e Agricultor y Criadornan den e barionan aki.

Santa Rosa kier gradici tur e sectornan aki kende a uni y ta yuda provee e Agricultor y Criador cu medionan pa mantene nan entrada economico.

 

- Advertisement -

DUNA COMENTARIO

Please enter your comment!
Please enter your name here