Home General Summer Courses 2013 introduci pa hobennan di Aruba

Summer Courses 2013 introduci pa hobennan di Aruba

0
0
SHARE
- Advertisement -

ORANJESTAD (AAN): Hobennan no por laga e chens aki pasa, debi cu SummerCourses 2013 lo bay ta inolvidabel un biaha mas, unda tur hoben presente lo siña desaroya nan mes , conoce nan mes mas y siña con pa ta un lider den futuro.

   DIARIO a haya tende di Parlamento Hubenil, cu e aña aki e workshops presenta den e siman di Summer Courses 2013 lo ta solamente 5 Florin pa tur tres dia di curso.

   Aki tur hoben presente lo goza di nan vakantie y mihor ainda lo e ta algo positivo cu como hoben bo lo por siña hopi for di dj’e. Asina ta marca den bo agenda/calendar paso dia 16, 17 ,18 di juli 2013 bo no lo por perde!

Esaki ta un oportunidad unico cu Fundacion Parlamento Hubenil Aruba lo ta dunando na tur hoben di Aruba. TUR workshops lo worde duna na  E.P.I Auditorium, Oranjestad.

  E prome workshop ta ‘I am succes’ cu lo worde presenta pa Natasha Felix. Como un hoben, e no ta facil pasobra nos ta den e proceso di crecemento, na unda nos ta buscando e caminda corecto pa un futuro briante. Pesey, nos ta haya nos mes ta deal cu situacionan unda cu nos mester haci diferente decisionan importante cu lo por tin un effecto grandi den nos bida. Pero no laga esaki ta un problema, pasobra e dia aki lo bo haya sa con pa deal cu situacionan asina na momento di mester tuma decisionan importante y tambe con pa bira un persona exitoso den bida. E orario di e workshop aki lo ta di 9:00 am te 12:00 pm.

E di dos workshop lo ta ‘Leading with attitude’ cu lo worde presenta pa SeñoraMonica Kock. Si nos wak rond di nos un rato, mira cuanto hoben no tin e motivacion of no ta sinti su mes feliz cu e situacion cu nan ta aden. E gana di “give up” ta hopi grandi, especialemente entre nos hobennan aki na Aruba. Porehempel na school, ora cu nos no ta compronde un materia. Pesey, e workshop aki lo dunabo e oportunidad di wak e parti positivo di tur situacion, pasobra pa cada situacion tin un solucion! E workshop aki lo ta di 9:00am te 1:00pm.

   Y por ultimo tin haya e workshop di ‘Boosting selfesteem’ y esaki lo worde presenta pa Srta.Abigail Arendsz . Cuanto biaha como hoben bo a yega di sinti cu bo no ta pertenece na algo of un caminda. Cuanto biaha bo a puntra bo mes: Ken ami ta? Con ami como hoben mester kies kico mi kier ta den futuro, mientras cu mi no a conoce mi mes ful ainda? Hoben no preocupabo mas over preguntanan asina, pasobra cu den e curso aki lo bo haya tur informacion cu bo mester pa bisa ‘THIS IS ME’. E workshop aki lo ta di 9:00am te 12:00pm.

   Hobennan, corda cu e cuponan ta limita! No perde tempo mas y inscribi dibiaha, pa asina abo siña bira un lider. No solamente riba bo mes so, sino tambe den bo comunidad! Hobennan di awe,  lidernan di mayan. E chens tey awo, no lag’e pasa! Mail nos dibiaha na summercourses@hotmail.com

- Advertisement -

DUNA COMENTARIO

Please enter your comment!
Please enter your name here