Home General Trabou den Caya Grandi ta andando y contratista a paga 30 mil...

Trabou den Caya Grandi ta andando y contratista a paga 30 mil na multa caba

1
0
SHARE
- Advertisement -

ORANJESTAD   (AAN):  Aunke e trabounan den Caya Grandi ta den su lastlap pa e contratista tog e ta coriendo cu un retrazo. E disputa legal cu e kiosko di batido kizas a yuda cu un retrazo sigur di dos luna pero asina mes el a keda un problema pa e contratista cu tambe ta atraza cu nan trabounan.

E contrato mester a wordo cumpli cune caba y pesey mes multa a cay. Un suma di alrededor 15 mil florin pa luna ta loke mester wordo paga. For di DOW tin confirma cu a paga caba 30 mil florin cu ta dos luna di retrazo.

E contratista a bisa cu nan lo caba fin di Juli pero mirando con e situacion actual ta lo duda cu esaki ta keda cla manera cu nan mes a propone. Esey nifica kizas otro multa. Asina mes e area cu a keda cla ta wordo repasa y mester confirma cu e control riba e detayenan ta bayendo ok.

Actualmente ainda tin kehonan di esnan den e area cu ta bisa cu cos ta hopi slow pa nan negoshi mirando e trabounan di construccion. Si e plan di gobierno sigui unda lo termina e tournan na e area di Plaza Nicky Habibe e lo bira un bon push pa e negoshinan den e area. E turistanan por cana pero nan por subi Tram tambe na final di caya y bai bek direccion pabou.

Ainda e proyecto y plan di gobierno no ta cla. Asina cu e Caya Grandi keda cla den su totalidad tur cos lo wordo hinca den otro cu trafico di tram etc. Kizas un luna mas y henter e proyecto a keda completa. Ainda tin cierto caya cu ta pega riba Caya Grandi cu tambe ta wordo drecha. Den e proceso ey tambe sa tin contra tiempo manera banda di Djispies unda a coba y kibra tubo di WEB. Basta awa a bai perdi.

A tuma nota tambe cu tin negoshinan den Caya manera Botica Oduber cu a sera nan negoshi pa renoba esaki completamente. Dos luna e botica lo keda sera. DOW a splica na diferente ocasion cu pa algun decada no a duna Caya Grandi un drecha asina.

E cambio grandi aki berdad a bin cu su problemanan den henter e proceso pero awor pa hopi aña nos tin un caya full renoba.

 

- Advertisement -

DUNA COMENTARIO

Please enter your comment!
Please enter your name here