Home Politica “E poder di e ser femenino ta den su boluntad y determinacion”

“E poder di e ser femenino ta den su boluntad y determinacion”

0
0
SHARE
- Advertisement -

 Jennifer Arends- Reyes di AVP cu campaña fuerte

ORANJESTAD (AAN): Despues di a worde lansa algun luna atras, partido AVP sigur tin un forsa grandi tras di e dama professional, Señora Jennifer Arends-Reyes. Un dama cu un carisma grandi y cu un determinacion di admira.

   Docente di profesion y cu experencia amplio den Enseñansa y tambe den e area social, Jennifer ta eherce diferente trabao como docente di idioma Ingles na Colegio Arubano, a yega di fungi e como hefe di Departamento di Idioma Ingles y presidente di cuerpo di docente na Colegio Arubano, ta activo den diferente comishon cultural y educativo durante aña escolar por ehemplo como miembro di comishon anti-bullying, docente na Avond-Havo y tambe ta duna guia na su studiantenan como mentor.

   Jennifer tin ya caba algun luna ta campañando, bishitando famianan y a sa di haya un sosten grandi su tras. Tur siman Jennifer tin diferente reunionnan di contacto, tin ora 2 pa dia y asina ta conoce e pueblo di Aruba. Tambe tur dia ta ricibi bishita na su oficina na Dakota. Jennifer ta kere firmemente den e forsa femenino y ta demostra esaki tambe.

    No falta mucho pa eleccion y Jennifer tin su visionnan claro y metanan grandi pa e area di Enseñansa, Social y pa nos Hubentud. Caminda cu structuracion, plannan di maneho integral,  calidad y oportunidad pa desaroyo di conocimento pa nos hendenan ta central. Pueblo ta considera Jennifer un dama fuerte, inovativo, determina y cu un amor y pasion grandi pa logra mas pa Aruba.

- Advertisement -

DUNA COMENTARIO

Please enter your comment!
Please enter your name here