Home General Colegio Arubiano un biaha mas ta cera completamente

Colegio Arubiano un biaha mas ta cera completamente

3
0
SHARE
- Advertisement -

Prome S.O. ta apenas dos siman leu…

ORANJESTAD (AAN): Un blunder grandi ta loke Gobierno y Ministro a comete!  A core bisa e.o. esnan di Mon Plaisir School cu “tur cos ta OK”.  Tambe a bisa Colegio Arubano cu tur cos ta normal.

   Bon mes cu Rectorado di Colegio Arubano SI a dicidi na haci test independiente, y Diahuebs e resultado a drenta.  A bin sali na cla, cu testnan enberdad a detecta presencia di fibra di asbestos na 14 diferente lugar riba school, incluyendo areanan cu nan a pensa na comienzo di ta ‘safe’.

   E infome aki a cay manera un bom.  Mayornan di specialmente Mon Plaisir a bira furioso!  Esnan cu a bay Avond HAVO tambe a keda furioso.  Pasobra a bin detecta cu nan tambe tabata den area cu tin e material altamente canceroso di asbesto.

   Rectorado di Colegio Arubano a core tuma decision, pa cera e school completamente.

   Y e cantidad di hendenan furioso cu Ministro, a aumenta drasticamente.  Dado momento DIARIO mes a cuminza notifica e mayornan cu tabata yama, pa por fabor bay keha tambe na oficina di Ministro.

   Pasobra Ministro awor tin di guli su palabra manda abao, y Gobierno ainda no por ni bisa ta kende ta esun cu a comete e blunder di schedule e trabao di e dak di asbesto, net riba prome dia di school.

   Hunto cu Fundacion SMOA, Rectorado a tuma decision pa laga school awe cera completamente, incluyendo e area di ex-Emmaschool den Shakespearestraat cu a worde usa brevemente pa atende alumnonan di Examenklas.

   E rabia di hopi mayor, ta cu inocentemente nan a laga nan yiunan bay school na Mon Plaisir, y awor ta parce cu e peligro ainda ta existi.  E instancianan cu mester a defende e muchanan, no a haci su trabao bon.

   Si acaso Colegio Arubano a keda SIN haci test, ta con mahos e situacion lo tabata cu miles di hoben ta cana den e area inhalando asbesto, cu aki algun aña por desaroya den cancer di pulmon.  DIARIO ta hopi orguyoso cu Rectorado di Colegio Arubano a dicidi na haci testnan riba nan mes, y cu a worde manda via courier pa Merca y asina  a haya resultado rapido.

   Mientras tanto, alumnonan ta preocupa debi na e hecho cu nan a perde mas di 1 siman caba di les, y dentro di algun siman ya caba tin S.O. week.  Con ta bay recupera e tempo perdi aki?  E lo por nifica un monton di extra-les unavez cu e situacion normaliza.

   Algun hende hasta a sugeri pa busca otro school cu ta ‘bashi’ den oranan di anochi, pa asina cuminza duna e muchanan les.  Pero esaki ta trece un monton di problema logistico cu transporte, y tambe e.o. alimento pa e alumnonan.

   Ademas di tur esaki, algun habitante den area di Vondellaan, Shakespearestraat y Zepp Lampestraat a exprresa nan preocupacion pa cu nan salud, y nan posible peligro asocia cu asbesto den aire riba nan caya.

- Advertisement -

DUNA COMENTARIO

Please enter your comment!
Please enter your name here