Diariotvaruba.com cla pa estrena su Van di Transmision mas Moderno

Publication: Wednesday, 7 August 2013. Categoria: General

ORANJESTAD (AAN): Momento cu tecnologia ta sigui avansa, abo como media mester cuminsa adapta y sigui avansa cu tempo. Esaki ta algo cu DIARIO semper a sa di haci na momento cu a keda inverti den ekipo Top of The Line cu a pone cu awe DIARIO ta e matutino mas grandi y cu hopi as informacion.

   No solamente den imprenta DIARIO a keda avansa, pero a expande den e concepto y manera con pa yega na pueblo pa trece noticia. Esaki a pone cu DIARIO a cuminsa focus den e mundo Cibernetico.

   Esaki a pone cu e baby mas recien cu yama DIARIO TV a nace. DIARIO TV cu ultimo tempo for di momento cu a cuminsa cu su transmision di prueba den varios actividad manera, Dragrace, eventonan cultural y noticia, a sa di capta varios hende cu nan Transmision diferente.

   Un transmision for di momento cu e cuminsa, cu bo ta worde bon informa y alavez cu bo no ta haya gana di stop di wak e transmision. DIARIO TV a tuma un pauze pa asina warda ariba e resto di ekipo pa yega for di exterior, y awe nos ta sumamente contento pa anuncia cu TUR ekipo ta na Aruba y cu e ekipo ta cla pa ranca Sali cu varios transmision un bes mas. Alavez cu DIARIO TV su transmision ta ariba Internet, pueblo di Aruba lo por conta cu un transmision di alta calidad.

   Sinembargo, nos mester menciona cu e ora sero ta yegando pa asina DIARIO TV subi ariba Cable pa den e forma deleita tur esnan na cas tambe cu ta gusta sinta y presencia programanan dilanti nan television. E siman aki DIARIO TV lo ta sumamente ocupa na momento cu lo realisa algun transmision entre otro; Celebracion di Otmar Oduber, Entregamento di lista y alavez Caredanan di Drag. Di awo, pueblo di Aruba ta keda cordialmente invita pa sintonisa e varios transmisionnan ariba www.diariotvaruba.com…. Corda cu bo por presencia e transmisionnan ariba Bo Smartphones tambe!!

Leave a Reply